05.10.2018
Útibú Arion banka í Garðabæ opnar við Litlatún á morgun
Á morgun, 6. október kl. 10.00, opnar útibú Arion banka í Garðabæ í Hagkaupum við Litlatún. Í útibúinu verður lögð áhersla á góða þjónustu, aðstoð og kennslu í stafrænum þjónustuleiðum bankans.
Flest öll hefðbundin bankaþjónusta verður aðgengileg í nýja útibúinu. Sem dæmi er hægt að greiða reikninga, leggja inn og taka út íslenskar krónur í hraðbönkunum. Þá er hægt að millifæra og velja seðlastærðir. Með hjálp fjarfundarbúnaðar verður boðið upp á ítarlegri þjónustu og ráðgjöf.
Opnunartíminn í nýja útibúinu í Garðabæ er sveigjanlegri líkt og í útibúinu í Kringlunni og opið verður frá kl. 12.30-19.00 alla virka daga. Hraðbankar verða hins vegar opnir allan sólarhringinn.
Í tilefni opnunarinnar verður starfsfólk á staðnum frá kl. 10.00-19.00 á laugardag og frá kl.12.30-19.00 á sunnudag. Rjúkandi kaffi og kleinuhringir verða í boði og öll börn fá endurskinsmerki frá Sparilandi. Við bjóðum ykkur hjartanlega velkomin í nýja útibúið í Garðabæ.
Deila grein:
