Út­skrift vott­aðra fjármála­ráð­gjafa

Þann 24. maí fór fram útskrift úr námi til vottunar fjármálaráðgjafa en þá útskrifuðust 22 aðilar úr náminu, þar af 8 starfsmenn Arion banka. Eftir þessa útskrift eru 65 vottaðir fjármálaráðgjafar í starfi hjá Arion banka.

Markmið vottunarinnar er að samræma þær kröfur sem gerðar eru til ráðgjafa og tryggja að þeir búi yfir nauðsynlegri þekkingu og færni í starfi. Námið spannar þætti fjármálamarkaðar og þjóðhagfræði auk lögfræði og siðfræði. Einnig fengu nemendur þjálfun í almennri ráðgjafafærni. Náminu lauk með prófum til að staðfesta færni þátttakenda.

Samtök fjármálafyrirtækja standa að verkefninu um vottun fjármálaráðgjafa ásamt fjármála- og efnahagsráðuneytinu, Samtökum starfsfólks fjármálafyrirtækja, Háskóla Íslands, Háskólanum í Reykjavík og Háskólanum á Bifröst.

Eftirtaldir starfsmenn Arion banka útskrifuðust að þessu sinni sem vottaðir fjármálaráðgjafar:

• Elín Björg Arinbjarnardóttir, Egilsstöðum

• Erla Stefánsdóttir, þjónustukjarna

• Guðrún Sigurðardóttir, Akureyri

• Helga Jónína Guðmundsdóttir, Sauðárkróki

• Hjörtur Torfi Halldórsson, Höfða

• Jórunn Ólafsdóttir, þjónustukjarna

• Tara Elíasdóttir, Borgartúni 18

• Þóra Björk Gísladóttir, Borgartúni 18