Vaxta­laust lán - Hvar færðu lán án vaxta og lán­töku­gjalds auk fríðinda í kaup­bæt­i?

Það eru margir sem ekki átta sig á því að þeir eru að fá vaxtalaust lán í hverjum mánuði. Þetta eru þeir sem nota kreditkort, annaðhvort í sína daglegu neyslu eða í öðrum tilvikum. Kreditkortin virka þannig að bankinn greiðir úttekt kortsins daginn eftir að verslað er en korthafi hefur allt að 37 daga til að greiða úttektina, en það veltur á því hvaða dag kortaatímabilsins færslan á kreditkortið á sér stað. Þannig er hægt að líta á kreditkort sem frábæran lánakost, sér í lagi í því vaxtastigi sem nú er. Þess ber þó að geta að sé kortareikningur ekki greiddur á eindaga reiknings reiknast vextir og kostnaður á skuldina.

Tökum dæmi. Platinum Vildarkorthafi sem notar kortið sitt á hverju kortatímabili innanlands fyrir 350.000 kr. Að meðaltali er bankinn að fjármagna úttektir hans í 19 daga. Gefum okkur að korthafi leggi þessa fjármuni inn á óbundinn hávaxtareikning sem ber 7,75% ársvexti, þá ávaxtar hann peninginn um 1.432 kr. á mánuði sem þýðir á ársgrundvelli 17.179 kr. Ekki bara það heldur fær hann einnig 25.200 vildarpunkta Icelandair í kaupbæti.

Annað dæmi. Premium World korthafi sem notar kortið sitt á hverju kortatímabili fyrir 700.000 kr. (innanlands og erlendis). Að meðaltali er bankinn að fjármagna úttektir hans í 19 daga eins og á Platinum kortinu. Gefum okkur að hann leggi þessa fjármuni inn á óbundinn hávaxtareikning sem ber 7,75% ársvexti þá ávaxtar hann peninginn um 2.862 kr. á mánuði sem þýðir á ársgrundvelli 34.359 kr. Ekki bara það heldur fær hann einnig 100.800 vildarpunkta Icelandair í kaupbæti.

Nú gæti einhver sagt, heyrðu, hvað með árgjald kortsins? Jú vissulega bera kortin árgjöld en fyrir þau er korthafi að fá ýmis fríðindi, eins og til dæmis ferðatryggingar. Árgjöldin eru föst og tengjast ekki veltu kortsins. Þeir sem greiða hátt árgjald eru yfirleitt að njóta meiri og víðtækari fríðinda en þeir sem greiða lægra árgjald en allir kreditkorthafar hafa aðgang að neyðarþjónustu sem er opin allan sólarhringinn.

Svandís Edda Hólm Jónudóttir
Vörustjóri á viðskiptabankasviði