Vel heppn­uð bæj­ar­há­tíð í Mos­fells­bæ

Bæjarhátíðin Í túninu heima var haldin síðustu helgi í Mosfellsbæ. Dagskrá hátíðarinnar var glæsileg að vanda og starfsfólk útibús Arion banka í Mosfellsbæ tók þátt í hátíðarhöldunum. Útibúið var skreytt í rauða lit hverfisins og allir starfsmenn mættu í rauðum Aftureldingarbúningum. Boðið var upp á kaffi og kleinur og ungir sem aldnir fengu andlitsmálningu. Skólakór Varmárskóla flutti nokkur lög og Bíbí, Blaki og Ari kíktu í heimsókn.

Tindahlaup Mosfellsbæjar var haldið í áttunda sinn samhliða hátíðinni og var Arion banki styrktaraðili hlaupsins líkt og fyrri ár. Hlaupið er náttúruhlaup fyrir byrjendur jafnt sem lengra komna. Í ár var metskráning en 132 hlauparar frá öllum heimshornum tóku þátt. Fjórar vegalengdir voru í boði, frá einum tindi (12 km) og upp í sjö tinda (37 km).

Úrslit Tindahlaupsins má sjá hér.