Viðskipta­vinir var­aðir við svika­póstum

Arion banki varar við svikapóstum sem að undanförnu hafa verið sendir út í nafni Valitor, Kreditkorta og fleiri aðila. Efni póstanna er fölsk tilkynning um að korti viðtakanda hafi verið lokað og til þess að opna það aftur þurfi að gefa upp kortaupplýsingar.

Við ráðleggjum viðskiptavinum okkar eindregið að opna ekki slíka pósta. Séu þeir opnaðir er mikilvægt að smella ekki á hlekki sem þeir innihalda og gefa ekki undir neinum kringumstæðum upp kortaupplýsingar, lykilorð, leyninúmer eða aðrar upplýsingar. Slíkum póstum er best að eyða strax.

Hafi viðtakandi brugðist við slíkum pósti er mikilvægt að hafa strax samband við Arion banka eða Valitor.

Það skal áréttað að Arion banki og Valitor biðja aldrei um kortanúmer, gildistíma, öryggisnúmer eða aðrar slíkar upplýsinga í tölvupósti. Þá skal það einnig tekið fram að ekki er um tölvuárás að ræða heldur nokkuð hefðbundna svikapósta. Slíkir póstar verða sífellt algengari og er því mikilvægt fyrir alla að vera á varðbergi.