24.04.2026
Vörum við svikaherferð í nafni Arion banka
Nú gengur yfir óvenju umsvifamikil svikaherferð þar sem óprúttnir aðilar senda skilaboð í nafni Arion banka. Slík skilaboð geta borist með tölvupósti, sms‑skilaboðum eða í gegnum samfélagsmiðla og eru oft sett fram með þeim hætti að þörf sé á viðbrögðum.
Við viljum árétta að Arion banki biður aldrei um aðgangsorð, kortaupplýsingar, auðkennisupplýsingar eða aðrar viðkvæmar persónuupplýsingar með skilaboðum eða tölvupósti.
Við hvetjum alla til að sýna aðgát gagnvart óvæntum eða grunsamlegum skilaboðum.
Rétt að hafa í huga:
Smelltu ekki á hlekki og opnaðu ekki viðhengi í grunsamlegum skilaboðum.
Veittu aldrei persónu‑ eða greiðsluupplýsingar nema í gegnum öruggar leiðir.
Ef þú ert í vafa hvort skilaboð séu frá okkur eða ekki skaltu hafa beint samband við bankann.
Ef þú hefur deilt upplýsingum um lykilorð eða auðkenni þarftu strax að hafa samband við okkur með því að hringja í síma 444 7000.
Deila grein:
