Hvað er ár­ang­ur fyr­ir þér? Sara Björk Gunn­ars­dótt­ir

Titlar og viðurkenningar eru auðvitað mikilvæg markmið. En það er samt ekki það sem stendur upp úr þegar ég hugsa til baka. Fjölmiðlar einblína á titlana og sigrana en það er ansi einfölduð mynd af því sem er kannski heill frábær dagur. Ég hugsa meira um leiðina að titlunum. Öll þessi skref í átt að markmiðinu - og allar hindranirnar sem þú kemst yfir. Baráttuna. Að lenda í meiðslum en ná að koma til baka.

Það veit enginn hversu mikið þú lagðir á þig og hverju þú þarft að fórna. Fjölmiðlar sjá það ekkert. Öll þessi skipti þar sem þú þarft að berjast á æfingu bara til þess að halda út. Maður er kannski með verk í hásininni og líður bara alls ekki vel - en þú þarft samt að komast í gegnum daginn og standa þig vel. Mér finnst árangur vera þegar hlutir eru erfiðir en manni tekst engu að síður að sýna hvað maður getur.