Kynntu þér greiðsluþak og léttari greiðslubyrði
Það hafa fáir farið varhluta af breyttu landslagi í efnahagsmálum á Íslandi og há verðbólga og hækkandi stýrivextir hafa sett strik í heimilisbókhald margra fjölskyldna. Þeir sem eru með óverðtryggð íbúðalán með breytilega vexti hafa fundið hvað mest fyrir hækkun á greiðslubyrði. Eins standa þeir sem hafa verið með fasta vexti nú frammi fyrir því að afborganir munu hækka mikið þegar fastvaxtatímabili lýkur.
Til að koma til móts við þetta breytta landslag og bjóðum við í Arion banka nú upp á tímabundið greiðsluþak á íbúðalánum.
Greiðsluþakið virkar þannig að í stað hefðbundinna afborgana er greidd föst fjárhæð á 12 mánaða tímabili greiðsluþaksins sem lækkar mánaðarlegar afborganir. Hægt er að sækja um að föst fjárhæð greiðsluþaksins miði við 1%, 2%, 3% eða 4% lægri vexti en samkvæmt hefðbundnum skilmálum.
Ef afborgun lánsins á meðan á greiðsluþaki stendur er lægri en sem nemur vaxtahluta afborgana samkvæmt hefðbundnum skilmálum lánsins safnast sá munur upp og leggst ofan á höfuðstól lánsins eftir 12 mánuði. Þetta mun fela í sér hærri greiðslubyrgði lánsins þegar tímabili greiðsluþaks lýkur.
Með tilkomu greiðsluþaksins standa nú til boða fleiri valmöguleikar til þess að lækka greiðslubyrði lána.
Við mælum eindregið með því að viðskiptavinir okkar hafi samband við starfsfólk okkar og fari yfir íbúðalánin sín og kanni hvort að greiðsluþak sé möguleiki sem hentar þeim.
Allar nánari upplýsingar um greiðsluþak íbúðalána má nálgast hér.
Deila grein:
