Borgaðu með úrinu

Þú getur skráð bæði debet- og kreditkort í Garmin Pay og Fitbit Pay og borgað með úrinu á þægilegan og öruggan hátt.

Þessi greiðslulausn eru einföld og örugg í notkun. Viðskiptavinir, sem nýta sér kosti þessarar lausnar, fá áfram öll þau fríðindi og tilboð sem fylgja kredit- og debetkortum Arion banka og enginn viðbótarkostnaður fylgir því að greiða með Garmin Pay eða Fitbit Pay.

 

Garmin Pay

Til að tengja kort við úr frá Garmin opnar þú Garmin appið (Garmin Connect) í símanum þínum, velur „Garmin Pay“ og velur þér PIN-númer fyrir úrið. Því næst velur þú VISA og slærð inn kortaupplýsingar. Að lokum samþykkir þú skilmála og slærð inn staðfestingarkóða sem þú færð sendan.

Hvernig borga ég með Garmin Pay?
  1. Þú opnar Garmin Pay í úrinu.
  2. Slærð inn PIN-númer sé þess óskað. Aðeins þarf að slá inn PIN-númer einu sinni á sólahring eða eftir hvert skipti þegar úrið er tekið af hendinni.
  3. Þú leggur úrið að posanum eins og um snertilaust kort væri að ræða.

Sjá leiðbeiningarmyndband Garmin

Fitbit Pay

Til að tengja kort við úr frá Fitbit opnar þú Fitbit appið í símanum þínum, velur það úr sem þú vilt nota og velur þér PIN-númer fyrir úrið. Því næst velur þú „Wallet“ og svo „Add card og slærð inn kortaupplýsingar. Að lokum samþykkir þú skilmála og slærð inn staðfestingarkóða sem þú færð sendan.

Hvernig borga ég með Fitbit Pay?
  1. Þú opnar Fitbit Pay í úrinu.
  2. Slærð inn PIN-númer sé þess óskað. Aðeins þarf að slá inn PIN-númer einu sinni á sólahring eða eftir hvert skipti þegar úrið er tekið af hendinni.
  3. Þú leggur úrið að posanum eins og um snertilaust kort væri að ræða.

Sjá leiðbeiningarmyndband Fitbit

 

Öryggi

Greiðslur með úrum í gegnum Garmin Pay og Fitbit Pay sem eru tengdar Visa greiðslukorti uppfylla kröfur Visa International um greiðslur með farsíma.

Þegar Visa kort er virkjað fyrir greiðslur með farsíma og úr verður til sýndarnúmer (tóken) sem er notað í stað kortanúmers þegar greiðsla með farsíma er framkvæmd. Raunverulegt kortanúmer er því aldrei notað sem eykur öryggi. Ekki er hægt að virkja Visa kort nema að síminn sé með virkjaða læsingu. Til að greiða með Visa korti þarftu að aflæsa símanum eða úrinu með því að auðkenna þig með persónubundnum öryggisstillingum.

Mikilvægt er að þú gerir nauðsynlegar varúðarráðstafanir til að tryggja að persónubundnir öryggisþættir sem þú notar til að auðkenna þig við innskráningu í símtækið séu ekki aðgengilegir öðrum þar sem þeir eru einnig notaðir til að staðfesta greiðslu.

Spurt og svarað