Arion styrk­ir Börn með krabba­mein

Í tilefni af treyjudeginum svokallaða komu starfsmenn Arion í fjölbreyttum íþróttatreyjum til vinnu þann 4. september síðastliðinn og lögðu þannig sitt af mörkum til að vekja athygli á söfnunarátaki á vegum Barna með krabbamein. Fjölbreyttar treyjur settu skemmtilegan svip á starfsstöðvar Arion vítt og breytt um landið og fylltu þær gleði, lífi og litum – en mörg hundruð starfsmenn skörtuðu uppáhaldstreyjunum sínum.

Treyjudagurinn er árlegt framtak sem hvetur einstaklinga og fyrirtæki til að styðja við börn sem greinst hafa með krabbamein og fjölskyldur þeirra. Við erum stolt af því að styðja Börn með krabbamein og hjálpa til við að auka ásýnd framtaksins og breiða út vitund um málefnið. Allar frekari upplýsingar má nálgast á treyjudagur.is.