Hús­fyll­ir á við­burði Arion banka um ný­sköp­un og vöxt

Á annað hundrað manns mættu á fræðsluviðburðinn „Leiðin að lánshæfu nýsköpunarfyrirtæki“ í höfuðstöðvum Arion banka, Borgartúni 19, þann 3. september síðastliðinn. Var sviðsljósinu beint að nýsköpun, vexti og þeim fjármögnunarleiðum sem nýsköpunar- og sprotafyrirtækjum standa til til boða. 

Iða Brá Benediktsdóttir, aðstoðarbankastjóri, setti viðburðinn og í framhaldinu fjallaði Jarþrúður Ásmundsdóttir, viðskiptastjóri á fyrirtækjasviði Arion banka, um fjármögnunarúrræði fyrirtækja í vexti, og Helgi Sævar Þorsteinsson, sérfræðingur á fyrirtækjasviði, kynnti lausnir sem einfalda störf fjármálastjóra og styðja við skilvirkari fjármálastjórnun. 

Jarþrúður fylgdi bráðskemmtilegu erindi sínu svo eftir með líflegu sófaspjalli við þau Andra Heiðar Kristjánsson (Frumtak Ventures), Þórhildi Eddu Gunnarsdóttur (Sweeply) og Kristínu Hrefnu Halldórsdóttur (Hopp Reykjavík). Deildu gestir þar góðum reynslusögum af sigrum jafnt sem og ósigrum og ákvörðunum sem mótað hafa bæði rekstur þeirra og fjárfestingarákvarðanir. Léttleikinn var aldrei langt undan.  

Við þökkum öllum sem mættu hjartanlega fyrir komuna og hlökkum til að halda áfram að búa til vettvang fyrir lifandi samtal, fræðslu og tengslamyndun í íslensku nýsköpunarumhverfi.