Út­tekt á viðbótar­sparnaði vegna COVID-19 heimil frá 1. apríl nk.

Eins og fram hefur komið í fjölmiðlum þá snýr hluti af efnahagsaðgerðum stjórnvalda vegna COVID-19 að fyrirframgreiðslum viðbótarsparnaðar. Um er að ræða sambærilegt úrræði og var í gildi á árunum 2009-2014.

• Heildargreiðsla að hámarki 12 milljónir kr. á einstakling, þó aldrei meira en uppsöfnuð inneign einstaklings þann 1. apríl 2020.

• Greitt í jöfnum mánaðarlegum greiðslum, 800.000 kr. á mánuði, að frádreginni staðgreiðslu tekjuskatts, á allt að 15 mánuðum frá umsókn.

• Útgreiðslutími styttist hlutfallslega ef um lægri fjárhæð er að ræða.

• Ef einstaklingur á viðbótarsparnað hjá fleiri en einum vörsluaðila skal gera grein fyrir því í umsókn, en 12 milljón kr. hámarkið gildir um alla vörsluaðila viðbótarsparnaðar samtals.

• Umsóknartímabil: 1. apríl 2020 til 31. desember 2020.

• Stefnt er að því að opna fyrir umsóknir í apríl.

Vakin er athygli á að frumvarpið hefur enn ekki verið samþykkt svo að ofangreint gæti tekið einhverjum breytingum í meðferð þingsins. Undirbúningur er þegar hafinn og verða frekari upplýsingar um úrræðið birtar þegar þær liggja fyrir.

Sjá nánar um aðgerðir bankans vegna COVID-19