Áreiðanleikakönnun fyrirtækja
Ehf. og hf.
Samkvæmt lögum ber okkur skylda til að afla upplýsinga um fyrirtækið þitt. Til þess að geta svarað áreiðanleikakönnun rafrænt þarf eftirfarandi að eiga við:
- Tengdir aðilar eru búsettir á Íslandi
- Félagið er einkahlutafélag eða hlutafélag
- Félagið er skráð í fyrirtækjaskrá RSK
- Gengið hefur verið frá skráningu endanlegra eigenda
- Eftirfarandi aðilar geta svarað áreiðanleikakönnun fyrir hönd fyrirtækisins:
- Lykilnotandi
- Framkvæmdarstjóri / Stjórnarmeðlimur
- Prókúruhafi
Rafræn áreiðanleikakönnun (ehf. og hf.)
Ef tengdir aðilar eru búsettir erlendis þarf að fylla út annað viðeigandi eyðublað og senda það ásamt þeim gögnum sem listuð eru neðst á eyðublaðinu á fyrirtaeki@arionbanki.is. .
Félagasamtök
Samkvæmt lögum ber okkur skylda að afla upplýsingar um félagasamtökin þín. Forsvarsaðili félagins þarf að fylla út neðangreint eyðublað vegna áreiðanleikakönnunar, senda útfyllt eyðublað ásamt gögnum sem listuð eru neðst á eyðublaðinu á netfangið fyrirtaeki@arionbanki.is. Vinsamlegast veljið annað af eyðublöðunum hér fyrir neðan eftir því hvort verið er að stofna til viðskipta eða endurnýja áreiðanleikakönnun.
Slf. og sf.
Samkvæmt lögum ber okkur skylda að afla upplýsingar um félagið þitt. Forsvarsaðili félagins þarf að fylla út neðangreint eyðublað vegna áreiðanleikakönnunar, senda útfyllt eyðublað ásamt gögnum sem listuð eru neðst á eyðublaðinu á netfangið fyrirtaeki@arionbanki.is. Vinsamlegast veljið annað af eyðublöðunum hér fyrir neðan eftir því hvort verið er að stofna til viðskipta eða endurnýja áreiðanleikakönnun.
Húsfélög
Samkvæmt lögum ber okkur skylda til að afla upplýsinga um húsfélagið þitt. Hægt er að afgreiða áreiðanleikakönnun húsfélags með tvennum hætti, eftir því hvort kosin er stjórn eða ekki.
1. Sé kosin stjórn þarf að afhenda afrit af fundargerð húsfélagsins þar sem fram kemur kjör stjórnar ásamt kennitölu stjórnarmanna, dagsetning og nafn húsfélags.
- Allir þinglýstir eigendur þurfa að undirrita annað hvort fundargerðina eða mætingarlista á fund til að sýna fram á kjör stjórnarinnar.
- Meirihluti stjórnar þarf að undirrita umboðssamninga bankans.
2. Húsfélög með sex eignarhlutum eða færri þurfa ekki stjórn, þá fara allir eigendur með það vald sem stjórn myndi annars hafa og geta veitt einum aðila umboð til að koma fram fyrir hönd húsfélagsins.
- Þá þarf að afhenda umboðssamninga bankans vegna húsfélagsþjónustu þar sem allir þinglýstir eigendur skrifa undir.
- Þar sem þinglýstur eigandi er fyrirtæki skrifar prókúruhafi undir umboðin.
Gjaldkeri húsfélagsins þarf svo að sanna á sér deili, slíkt er hægt að gera með rafrænum skilríkjum hér: AML Arion banki. Gögnum má skila á netfangið fyrirtaeki@arionbanki.is.
Spurt og svarað
Það birtast rangar upplýsingar um stjórn og/eða eigendur í rafrænu áreiðanleikakönnuninni
Gögn Arion banka byggja á skráningum RSK. Þú þarft því að ganga úr skugga um að skráning hjá rsk.is sé rétt fyrir þitt félag/fyrirtæki.
Aðili tengdur fyrirtækinu á eftir að sanna á sér deili, hvað geri ég?
Einstaklingur getur sannað á sér deili með rafrænum skilríkjum á síðu hér.
Ef einstaklingur hefur ekki rafræn skilríki þarf að koma með löggild persónuskilríki; ökuskírteini, vegabréf eða nafnskírteini (ekki greiðslukort) í næsta útibú til skönnunar.
Hvernig breyti ég skráningu á raunverulegum eigendum hjá einkahlutafélagi?
Ríkisskattstjóri hefur nú tekið í notkun nýtt kerfi sem gerir fólki kleift að stofna einkahlutafélög eða senda inn breytingar á einkahlutafélögum með rafrænum hætti.
Sjá nánar á vefnum skatturinn.is.
Hvað er Tin númer?
Tin númer vísar til skattkennitölu í viðkomandi landi þar sem einstaklingur eða lögaðili greiðir skatt til.
Sjá nánar hjá; OECD: Tax identification numbers (TINs) - Organisation for Economic Co-operation and Development (oecd.org), RSK: FATCA | Skatturinn - skattar og gjöld og Common Reporting Standard | CRS | Skatturinn - skattar og gjöld.
Hvað gerist ef ég svara ekki áreiðanleikakönnuninni?
Samkvæmt lögum nr. 140/2018 má Arion ekki eiga í viðskiptasambandi við félög nema áreiðanleikakönnun sé lokið. Því ber okkur skylda að læsa reikningum ef ekki næst að klára áreiðanleikakönnun.
Hvernig opna ég reikninga aftur ef ég hef gleymt að svara áreiðanleikakönnun?
Þú byrjar á því að svara áreiðanleikakönnuninni. Í framhaldi þarft þú að hafa samband við okkur með því að senda á netspjallið okkar eða tölvupóst á netfangið fyrirtaeki@arionbanki.is og biðja um enduropnun.
Hversu oft þurfa fyrirtæki að svara áreiðanleikakönnun?
Endurnýjun á áreiðanleikakönnun er háð eðli viðskipta við bankann og starfsemi félags. Sum félög þurfa að endurnýja á hverju ári og önnur á þriggja ára fresti.
Á einhver eftir að sanna á sér deili?
Til þess að ljúka áreiðanleikakönnun þurfa allir sem koma fram í áreiðanleikakönnun félagsins að hafa sannað á sér deili gagnavart bankanum.
Ef einhver tengdur félaginu á eftir að sanna á sér deili getur sá aðili:
- mætt í næsta útibú og skannað skilríkið sitt.
- auðkennt sig rafrænt.
- sent afrit af Notary Public vottuðu skilríki á fyrirtaeki@arionbanki.is.
Við viljum kynnast fyrirtækinu þínu betur
Mikilvægur liður í starfsemi okkar er að þekkja viðskiptavini, markmið þeirra og aðstæður. Þannig getum við betur uppfyllt þarfir þeirra og verndað gegn hugsanlegum auðkennisþjófnaði eða annarri misnotkun á þjónustu bankans.
Arion banka er auk þess skylt, á grundvelli laga nr. 140/2018, að búa yfir tilteknum upplýsingum um viðskiptavini sína og er óheimilt að framkvæma viðskipti eða eiga í viðskiptasambandi nema þær liggi fyrir. Þessar upplýsingar skipta máli í baráttunni gegn peningaþvætti og fjármögnun hryðjuverka og eru því stór þáttur í samfélagsábyrgð bankans.
Áreiðanleikakönnun er svarað af stjórnarmanni eða prókúruhafa lögaðila. Í könnuninni er m.a. óskað eftir neðangreindum upplýsingum:
- Endanlega eigendur
- Stjórnarmenn og prókúruhafar
- Heimilisfang stjórnarmanna og prókúruhafa
- Tengiliðaupplýsingar
- Skattalegt heimilisfesti viðkomandi lögaðila og eigenda