Starfsfólkið okkar er öflugur hópur fólks sem hefur metnað fyrir störfum sínum. Í sameiningu leggjum við okkur fram um að skilja þarfir og uppfylla væntingar viðskiptavina okkar, því árangur þeirra er okkar árangur.
Mannauðsstefnan okkar er samsett úr sex þemum sem öll eiga það sameiginlegt að stuðla að ánægju starfsfólks, vexti þess og helgun. Við viljum vera eftirsóknarverður vinnustaður og skapa jákvætt og hvetjandi starfsumhverfi
Við virðum mannréttindi og jafnrétti ásamt því að leggja áherslu á fjölbreytileika í allri okkar starfsemi*.
Við vinnum eftir jafnlaunastefnu til að tryggja jöfn kjör fyrir jafnverðmæt störf og gagnsæi í launaákvörðunum. Einnig leggjum við áherslu á jöfn tækifæri og að vinnustaðamenning sé með þeim hætti að allt starfsfólk geti blómstrað í starfi.
Markmiðið okkar er að halda í og laða að framúrskarandi starfsfólk og efla það í faglegum og persónulegum vexti.Við tryggjum að ráðningar fari fram með faglegum hætti og að í hvert starf sé valinn einstaklingur í samræmi við þarfir og stefnu hverju sinni. Við tökum vel á móti nýju starfsfólki og gætum þess að vel sé staðið að þjálfun. Við leggjum einnig metnað í að vanda til viðskilnaðar við starfslok.
Við bjóðum fjölbreytta fræðslu til þess að efla færni og þekkingu starfsfólks. Starfsfólk er hvatt til að sýna frumkvæði og metnað til þess að þróast í starfi og taka ábyrgð á eigin þekkingu.
Með því að fjárfesta í fræðslu sköpum við umhverfi fyrir starfsfólk til vaxtar og tryggjum fagmennsku.
Við vinnum saman að því að ná árangri í þeim verkefnum sem okkur eru falin og hrósum þegar vel tekst til. Starfsfólk miðlar þekkingu og deilir upplýsingum til samstarfsfólks.
Með skilvirku vinnuumhverfi, skapandi hugsunarhætti og umbótamenningu finnum við lausnir og náum árangri. Við tileinkum okkur markmiðasetningu og mælum árangur.
Hjá okkur starfa öflugir stjórnendur með fjölbreytta hæfni og skýra framtíðarsýn. Stjórnendur ganga fram með góðu fordæmi, eru hvetjandi og veita reglulega og uppbyggilega endurgjöf til starfsfólks.
Við ráðningar í stjórnendastöður er leitast við að ráða einstaklinga með fjölbreytta reynslu, færni og þekkingu.
Við leggjum okkur fram um að mynda hvetjandi starfsumhverfi og styðja við okkar fólk. Samskipti skulu einkennast af gagnkvæmri virðingu og er einelti, kynbundin eða kynferðisleg áreitni og ofbeldi aldrei liðið. Það er á allra ábyrgð að koma í veg fyrir slíkt.
Við stöndum vörð um heilsu og öryggi starfsfólks og leggjum áherslu á heilsueflandi starfsumhverfi og forvarnir.
Við bjóðum eftirsóknarvert starfsumhverfi og erum fjölskylduvænn vinnustaður. Með sveigjanleika í starfi og fjarvinnustefnu mætum við þörfum starfsfólks og stuðlum að bættu jafnvægi milli vinnu og einkalífs.
Til að framfylgja mannauðsstefnu og meta árangur í mannauðsmálum eru notuð ýmis mælitæki svo sem innri kannanir, samtöl, vinnustaðagreining, stjórnendamat, mælingar á starfsmannaveltu, mælingar á fjarveru, ráðningatölfræði, jafnréttistölfræði o.fl.
Í mannauðsstefnunni er tilvísun í starfskjarastefnu, sem er samþykkt á aðalfundi skv. tillögu stjórnar, auk þess sem vísað er í undirstefnur þar sem frekari útfærsla lykilþátta er skilgreind. Mannauðsstefnan er endurskoðuð árlega og samþykkt af stjórn. Undirstefnur mannauðsstefnunnar eru á ábyrgð mannauðs, uppfærðar eftir þörfum og er starfskjaranefnd stjórnar upplýst um breytingar sem gerðar eru eftir því sem við á.
*Í samræmi við EBA leiðbeiningar. Gögnum um fjölbreytileika og launamun kynjanna er safnað með reglubundnum hætti og frávik greind.