Sjóðurinn fjárfestir að mestu í erlendum hlutabréfum og býður góða dreifingu yfir mörg markaðssvæði. Hann hentar fjárfestum sem vilja alþjóðlega áherslu og eru tilbúnir að taka á sig áhættu í meðallagi. Ráðlagður lágmarkstími fjárfestingar er fimm ár.
Premía F – erlent safn hs. er sérhæfður sjóður fyrir almenna fjárfesta sem fjárfestir að mestu í erlendum hlutabréfum. Markmið sjóðsins er að ná góðri ávöxtun og áhættudreifingu með fjárfestingum í blönduðu safni erlendra hlutabréfa, en lágmark í erlendum hlutabréfum er 30%.
Premía F – erlent safn hs. hentar vel sem blanda í eignasöfn með innlendum skuldabréfum og hlutabréfum. Sjóðurinn fjárfestir að mestu í öðrum sjóðum til að auka áhættudreifingu en getur einnig keypt erlend verðbréf beint. Sjóðurinn hefur jafnframt heimild til að fjárfesta í skuldabréfum, innlánum og allt að 10% í öðrum fjármálagerningum, eins og fasteignasjóðum og óskráðum hlutabréfum (e. Private Equity). Allar ávöxtunartölur eru í íslenskum krónum.
Sjóðurinn er markaðssettur fyrir viðskiptavini í Premíu þjónustu Arion banka.
10 stærstu útgefendur - 31.03.2026
Útgefandi | Markaðsvirði | Hlutfall |
Katla Fund - Global Equity/UCITS - B class | 2,83 m. EUR | 19,04% |
Capital Group - New Perspective Fund A7 USD | 2,77 m. EUR | 18,69% |
SSgA World.Sc.I Eq. - I- EUR | 1,49 m. EUR | 10,04% |
Stefnir - Scandinavian Fund - ESG hs. | 1,24 m. EUR | 8,36% |
iShares MSCI World Screened / UCITS & ETF | 1,20 m. EUR | 8,09% |
iShares MSCI World Quality Dividend Adv UCITS ETF | 1,17 m. EUR | 7,91% |
PIMCO GIS - Income Fund - I class - USD | 0,85 m. EUR | 5,74% |
JPMorgan Funds - Emerging Markets Small Cap | 0,85 m. EUR | 5,72% |
JPMorgan Funds - Europe Equity Plus - A Perf.AEU | 0,76 m. EUR | 5,10% |
JPMorgan Funds - Eltifs-Multi Alt.- EUR - I class | 0,50 m. EUR | 3,37% |
Lágmark | Hámark | |
|---|---|---|
Innlán fjármálafyrirtækja og peningamarkaðsgerninga | 0% | 50% |
Ríkisskuldabréf eða skuldabréf með ábyrgð íslenska ríkisins | 0% | 70% |
Sértryggð skuldabréf | 0% | 20% |
Öll önnur skuldabréf, víxlar og lánasamningar | 0% | 70% |
Hlutabréf | 30% | 100% |
Aðrir sjóðir eða fyrirtæki en sérhæfðir sjóðir fyrir almenna fjárfesta | 0% | 20% |
Fjárfestingum í fjármálagerningum fylgir ávallt fjárhagsleg áhætta, svo sem hætta á að ekki verði um neina ávöxtun að ræða eða að höfuðstóll tapist. Árangur í fortíð gefur ekki áreiðanlega vísbendingu um árangur í framtíð. Vakin er athygli á að áhætta af fjárfestingu eykst ef hún er fjármögnuð með lánsfé og ávöxtun getur aukist eða minnkað vegna sveiflna í ávöxtun. Skattaleg meðferð ræðst af aðstæðum hvers viðskiptavinar fyrir sig og getur tekið breytingum í framtíðinni og því mikilvægt fyrir fjárfesta að kynna sér slíkt.
Sérhver fjárfestir er hvattur til að framkvæma eigin athuganir og greiningar, m.a. kynna sér viðeigandi upplýsingaskjöl og leggja sjálfstætt mat á slík skjöl áður en ákvörðun er tekin um tiltekna fjárfestingu. Í útboðslýsingu og lykilupplýsingum verðbréfasjóða og sérhæfðra sjóða fyrir almenna fjárfesta er að finna nánari upplýsingar um viðkomandi sjóð, m.a. um áhættu og hvort umræddur sjóður telst verðbréfasjóður eða sérhæfður sjóður fyrir almenna fjárfesta. Varðandi þá sjóði sem er að finna á vefsíðu Stefnis þá má nálgast útboðslýsingu, lykilupplýsingar o.fl. vegna viðkomandi sjóðs með því að smella á heiti sjóðs. Skattaleg meðferð ræðst af aðstæðum hvers viðskiptavinar fyrir sig og getur tekið breytingum í framtíðinni og því mikilvægt fyrir fjárfesta að kynna sér slíkt.
Upplýsingar þær sem hér koma fram eru einungis veittar í upplýsingaskyni og þær ber ekki að skoða sem tilboð á einn eða annan hátt og ekki skal líta á efnið sem ráðgjöf um kaup, sölu eða aðra ráðstöfun tiltekinna fjármálagerninga. Upplýsingarnar byggja á heimildum sem Stefnir telur áreiðanlegar en ekki er hægt að ábyrgjast að þær séu réttar. Stefnir ber enga ábyrgð á ákvörðunum eða viðskiptum sem aðilar kunna að eiga í ljósi þeirra upplýsinga sem hér koma fram.
Sjá nánari fyrirvara hér: Almennur fyrirvari