Ár­angur í ára­tug

Arion appið hefur verið valið besta bankaappið af viðskiptavinum bankanna í könnun Maskínu – tíunda árið í röð.

Um leið og við þökkum viðskiptavinum hjartanlega fyrir traustið og hlýhuginn nýtum við viðurkenninguna sem hvatningu til að halda áfram að gera ennþá betur. Við hjá Arion erum virkilega stolt af þeirri glæsilegu vinnu sem farið hefur fram hér innanhúss á síðustu árum. Svona árangur næst ekki næst ekki nema stór hópur metnaðarfulls starfsfólks leggist á árarnar og geri sitt besta, á hverjum einasta degi.

Öflugt og fjölbreytt bankaapp

Í Arion appinu má sinna öllum daglegum bankaviðskiptum og eins stunda hlutabréfaviðskipti og kaup í sjóðum Stefnis og halda utan um lífeyrismálin. Þá höfum við lagt sérstaka áherslu á það á síðustu misserum að efla stafræna þjónustu Varðar trygginga, sem er hluti af Arion, svo að fjármál og tryggingar vinni ennþá betur saman.

Nýjasta viðbótin eru Skilaboðin mín, þar sem viðskiptavinir geta nálgast allar helstu upplýsingar sem varða viðskipti þeirra og fjármál, auk mikilvægra tilkynninga, á einum og sama staðnum.

Það er okkur metnaðarmál að þróa og bæta Arion appið á hverjum einasta degi þannig að það mæti sem best þörfum allra viðskiptavina okkar, jafnt einstaklinga sem fyrirtækja.