Ertu að fara að byggja?
Húsbyggjendum stendur til boða heildstæð fjármögnun á byggingaframkvæmdum, allt frá lóðarkaupum og þar til eign er fullbyggð.
Húsbyggjendum stendur til boða heildstæð fjármögnun á byggingaframkvæmdum, allt frá lóðarkaupum og þar til eign er fullbyggð.
Við bjóðum húsbyggjendum heildstæða fjármögnun á byggingaframkvæmdum, allt frá lóðarkaupum og þar til eign er fullbyggð. Fram að fokheldi er lánað óverðtryggt skammtímalán en við byggingarstig 2 (fokheld bygging) verður eignin lánshæf fyrir íbúðalánum og síðan í áföngum eftir hækkun byggingarstigs. Veð er tekið í eigninni í formi tryggingarbréfs.
Þegar fasteign er fullbyggð og komin á byggingarstig 4 fæst lánað allt að 80% af byggingarkostnaði eða markaðsverðmæti, þ.e. því sem lægra reynist. Eingöngu er lánað á fyrsta veðrétt. Hver umsókn er skoðuð sérstaklega áður en umsókn er samþykkt. Ef lánveiting fer umfram 70 milljónir kr. eru auknar kröfur gerðar.
Áður en farið er af stað er gott að meta stöðuna með því að fara í gegnum greiðslumat.Ef þú hefur áhuga að kynna þér málið betur getur þú sent okkur línu á netfangið ibudalan@arionbanki.is eða bókað tíma hjá ráðgjafa.
Kostnaðar- og verkáætlun þarf að liggja fyrir
Eigið fé í upphafi þarf að vera 30% af áætluðum byggingarkostnaði
Hámarks veðhlutfall framkvæmda er allt að 70% af verkáföngum á hverjum tíma
Brunatrygging fasteigna í smíðum/smíðatrygging þarf að vera til staðar
Lánað er í formi yfirdráttar til að hámarki 12 mánuða í senn sem er svo framlengt eftir þörfum
Um er að ræða óverðtryggða breytilega brúarlána vexti á sérstökum reikningi
Lánið er hægt að greiða lánið upp hvenær sem er án kostnaðar
Veitir víðtæka og alhliða vernd fyrir þá sem eru með hús í smíðum og hafa ráðið byggingarstjóra og/eða ábyrga verktaka til að annast byggingarframkvæmdir.
Að velja rétta íbúðalánið er stór ákvörðun sem hefur áhrif á fjárhag heimilisins til margra ára. Því er mikilvægt að skilja hvernig val á lánstíma og tegund lána getur breytt bæði greiðslubyrði og heildarkostnaði. Hvort lánið er verðtryggð eða óverðtryggð, og hversu langur lánstíminn er, getur haft veruleg áhrif á greiðslubyrði og eignarmyndun.
Þegar greiðslugetan hefur verið könnuð og útborgun tryggð þá er komið að því að finna draumaeignina. Það ferli getur tekið mislangan tíma en mikilvægt er að vanda valið og finna þá eign sem er með flesta þá eiginleika sem leitað er að.
Flestir eru með mjög skýrar hugmyndir um hvernig íbúð er leitað að og hvaða skilyrði hún þarf að uppfylla en það er gott að hafa það í huga að það þarf ekki að vera að íbúð finnist sem uppfyllir allar óskir. Við kaup á fyrstu fasteign þarf oft að forgangsraða eiginleikum og velja þá eign sem tikkar í flest boxin ef ekki finnst eign á réttu verði sem uppfyllir allt saman.
Þegar nýtt lán er tekið getur það skipt sköpum á hversu löngum tíma greiða skal lánið til baka. Það er misjafnt hver hámarkstími lána getur verið en lengst er lánað fyrir fasteignakaupum til 40 ára.
Það er erfitt að segja til um hvort það henti þér að leigja eða kaupa og þar ráða helst ferðinni þín fjárhagsstaða og þín fjárhagslegu markmið. Þú skalt reikna hvoru tveggja til enda áður en þú tekur ákvörðun. Ef stefnan er tekin á fasteignakaup eru nokkur mikilvæg atriði sem gott er að kynna sér og hafa á hreinu áður en af stað er farið.