Lífeyrissjóður starfsmanna Búnaðarbanka Íslands hf. hét áður Eftirlaunasjóður starfsmanna Búnaðarbanka Íslands. Þegar Búnaðarbanka Íslands var breytt í hlutafélag 1. janúar 1998 fékk sjóðurinn nafnið Lífeyrissjóður starfsmanna Búnaðarbanka Íslands hf.

Við breytinguna var ríkisábyrgð afnumin og bankinn borgaði í sjóðinn þá fjárhæð sem á þeim tíma þótti nægja til að standa undir framtíðarskuldbindingum hans. Í dag greiðir sjóðfélagi mánaðarlega 4% iðgjald af launum en launagreiðandi 14,4%.

Sjóðurinn er hlutfallssjóður, þar sem réttindaávinningur er 2,125% fyrir hvert ár í 100% starfi. Við breytinguna 1. janúar 1998 áttu sjóðfélagar kost á því að velja á milli þess að vera áfram í hlutfallssjóðnum eða að flytja réttindin í stigasjóð og séreignarsjóð. Eftir það val var sjóðnum lokað og því hafa nýir sjóðfélagar ekki bæst í sjóðinn frá þeim tíma.

Þjónusta og Mínar síður

Á Mínum síðum LSBÍ getur þú skoðað stöðu þína og afþakkað pappírsyfirlit.  

Í Lífeyrisþjónustu Arion banka starfar öflugur hópur sérfræðinga sem er reiðubúinn til að aðstoða þig með lífeyrismál þín. Hafir þú einhverjar spurningar, hikaðu þá ekki við að hafa samband við Lífeyrisþjónustu Arion banka í síma 444 7000. Símatími er frá kl. 10 til 15.

Móttaka og þjónusta við sjóðfélaga er í Arion banka, Borgartúni 19, 105 Reykjavík, einnig er hægt að senda tölvupóst á netfangið lifeyristhjonusta@arionbanki.is.