09.06.2026
Innlendar sérhæfðar fjárfestingar LSBÍ
Í þessari umfjöllun verður farið yfir hvernig LSBÍ hefur nálgast uppbyggingu á innlendum sérhæfðum fjárfestingum ásamt því að stiklað verður á stóru um einstakar fjárfestingar.
Þar sem lífeyrissjóðurinn er lokaður fyrir nýja sjóðfélaga og líftími lífeyrisskuldbindinga er að styttast þá hefur sjóðurinn minna svigrúm, en lífeyrissjóðir almennt til að fjárfesta í sérhæfðum fjárfestingum.
Með sérhæfðum fjárfestingum er yfirleitt átt við fjárfestingar sem eru frábrugðnar hefðbundnum hlutabréfa- og skuldabréfafjárfestingum að því leyti að þær eru oft óskráðar, með lengri binditíma og takmarkaðan seljanleika til skemmri tíma. Sérhæfðar fjárfestingar gegna hlutverki í heildarsamsetningu eignasafnsins, en oft byggir ávöxtun þeirra á öðrum drifkröftum en til að mynda hefðbundnir skráðir fjármálagerningar og tengjast því síður skammtímasveiflum á fjármálamörkuðum. Aðgengi fagfjárfesta, svo sem lífeyrissjóða, að þessum eignaflokki hefur bæði verið í formi beinnar fjárfestingar eða óbeinnar fjárfestingar í gegnum ýmiss konar form af sérhæfðum sjóðum.
Deila grein:
