Aukaársfundur

Eftirlaunasjóður FÍA boðar til aukaársfundar fimmtudaginn 14. febrúar 2019 kl. 12:00 í Hlíðarsmára 8, Kópavogi.

Líkt og sjóðfélagar þekkja þá hefur sjóðurinn haldið árlegan sjóðfélagafund á þessum tíma árs þar sem farið er yfir ávöxtun og eignasamsetningu sjóðsins á nýliðnu ári. Sá dagskrárliður mun standa óbreyttur en til viðbótar verður farið yfir tillögu stjórnar að samþykktabreytingum, sem í kjölfarið fara svo í allsherjarkosningu meðal sjóðfélaga.

Í tillögum til breytinga á samþykktum eru lagðar til breytingar á fyrirkomulagi í tengslum við stjórn EFÍA. Er meðal annars lögð til sú breyting, að fulltrúar FÍA í stjórn EFÍA verði kosnir af sjóðfélögum í beinni kosningu. Allar breytingatillögur snúa að stjórnarkjöri, tilhögun þess, skipun kjörnefndar og tilhögun ársfundar.

Allir sjóðfélagar eiga rétt til setu á fundinum með umræðu og tillögurétti.

Dagskrá

1. Ávöxtun og eignasamsetning sjóðsins 2018
2. Tillögur stjórnar til breytinga á samþykktum sjóðsins
3. Önnur mál

Tillögur til samþykktabreytinga EFÍA á aukaársfundi 14. febrúar 2019