Spurt og svarað

Sú upphæð sem þarf að greiða af láni er gjarnan nefnd greiðslubyrði viðkomandi láns. Algengast er að greiða þurfi af lánum mánaðarlega og því oft talað um greiðslubyrði á mánuði. Þegar framkvæmt er greiðslumat vegna nýrrar lántöku þarf niðurstaða greiðslumats fyrir lántöku (greiðslugeta) að vera næg til að standa undir greiðslubyrði viðkomandi láns.

Rafrænt greiðslumat gildir í 6 mánuði eða þangað til að sótt er um lán innan 6 mánaða. Hægt er að opna greiðslumatið hvenær sem er á þeim tíma. Greiðslumat lokast um leið og lánveiting er samþykkt.

Greiðslumat er úttekt á fjárhagslegri stöðu umsækjanda. Það tekur mið af tekjum og gjöldum, eignum og skuldum en niðurstaða þess segir til um greiðslugetu umsækjanda.

Lögum samkvæmt ber að framkvæma greiðslumat vegna allra lána yfir tveimur milljónum króna eða fjórum milljónum króna hjá hjónum eða sambúðarfólki.

Hverri lánastofnun er heimilt að setja sérstakar vinnureglur og viðmið vegna framkvæmdar greiðslumats en þó í samræmi við reglugerð um lánshæfis- og greiðslumat

Greiðslugeta er reiknuð með því að draga útgjöld umsækjanda frá ráðstöfunartekjum. Greiðslugeta er sú upphæð sem viðkomandi aðili hefur afgangs eftir að hafa staðið undir framfærslu, rekstri fasteigna og ökutækja og greiðslum núverandi skuldbindinga.

Greiðslugeta er því í raun það svigrúm sem aðili hefur til að bæta við sig skuldbindingum eða útgjöldum.

Ef þú af einhverjum ástæðum getur ekki nýtt þér rafræna greiðslumatið okkar getur þú óskað eftir greiðslumati hjá ráðgjöfum okkar. Til þess þarft þú að skila inn nauðsynlegum fylgigögnum - sjá gátlista vegna greiðslumats.

Kostnaður við rafrænt greiðslumat er samkvæmt verðskrá hverju sinni, sjá verðskrá bankans.

ATH innifalið í greiðslumatskostnaði er kostnaður sem fellur til vegna uppflettinga hjá þriðja aðila, þ.e. hjá RSK og Creditinfo. Ef sótt erum greiðslumat vegna lána hjá öðrum en Arion banka, Frjálsa Lífeyrissjóðnum eða EFÍA, þá þarf að fara í útibú og fá undirritað greiðslumat hjá ráðgjafa og greiða samkvæmt verðskrá.

Kostnað við greiðslumat þarf að greiða þó að ekki verði af lánveitingu.

Allir sem náð hafa 18 ára aldri og eru með búsetu á Íslandi geta fengið greiðslumat hjá Arion banka, óháð aðal viðskiptabanka. Það eina sem þú þarft eru rafræn skilríki á farsíma. Sjá nánar um rafræn skilríki.