Myndlist í Arion banka
Við stöndum reglulega fyrir listsýningum og fyrirlestrum um myndlist í höfuðstöðvum okkar að Borgartúni 19. Bankinn á yfir 1300 listaverk eftir marga merkustu listamenn þjóðarinnar og eru þau sýnileg í útibúum bankans og á starfstöðvum hans auk þess sem bankinn lánar reglulega verk á sýningar hér á landi og erlendis.
Sýningarskrá
Önnur sæti
13.03.2018 - 18.05.2018
Þriðjudaginn 13. mars sl. opnaði sýningin Önnur sæti í höfuðstöðvum Arion banka, Borgartúni 19.
Á sýningunni er að finna verðlaunatillögur arkitekta að þekktum byggingum á Íslandi, hugmyndir sem hlutu viðurkenningu í arkitektasamkeppnum en ekki var byggt eftir. Sýningunni er ætlað að varpa ljósi á arkitektúr, ólíka valmöguleika og öðruvísi framtíðarsýn, hvernig hlutirnir hefðu mögulega getað orðið.
Sýningin spannar ríflega 80 ára tímabil í sögu íslenskrar byggingarlistar og á henni má sjá hugmyndir eftir marga af fremstu arkitektum þjóðarinnar. Meðal annars má sjá hugmyndir að Ráðhúsi Reykjavíkur, Húsi Orkuveitunnar, Hæstarétti, Hörpu, Oddfellowhúsinu og nokkrum kunnum kirkjum.
Sýningin er unnin í samstarfi við Önnu Dröfn Ágústsdóttir sagnfræðing og Guðna Valberg arkitekt, höfunda bókarinnar Reykjavík sem ekki varð sem kom út árið 2013 og vakti mikla athygli. Auk þess hefur grafíski hönnuðurinn Viktoria Buzukina hjá Hvíta húsinu teiknað heillandi myndheim úr byggingunum, reistum og óreistum, sem er hluti af sýningunni.
Arion banki hefur verið stoltur samstarfsaðili Hönnunarmiðstöðvar undanfarin þrjú ár og er aðalbakhjarl Design Talks hluta HönnunarMars. Einnig hefur kaupstefna hátíðarinnar, Design Match verið haldin í höfuðstöðvum bankans en þar gefst íslenskum hönnuðum einstakt tækifæri til að hitta erlenda og innlenda kaupendur og framleiðendur í þeim tilgangi að kynna fyrir þeim verk sín. Í tilefni af HönnunarMars hefur bankinn einnig haldið sýningar honum tengdum í höfuðstöðvum sínum og er sýningin Önnur sæti sem nú opnar framlag bankans í ár.
Sýningin er opin virka daga frá kl. 9 – 16 og stendur til 18. maí nk.
Sigurður Guðmundsson
23.09.2017 - 29.12.2017
Kristinn E. Hrafnsson
09.04.2016 - 02.09.2016
Hrafnkell Sigurðsson
08.11.2014 - 10.03.2015
Kristján Davíðsson
31.05.2013 - 31.08.2013
Hreinn Friðfinnsson
05.05.2012 - 17.08.2012
Haraldur Sigurðsson
05.05.2011 - 31.05.2011
Hús í myndlist
25.03.2017 - 09.2017
Georg Guðni
12.09.2015 - 11.12.2015
Guðmunda Andrésdóttir
29.03.2014 - 27.06.2014
Nokkrar skákir...
23.02.2013 - 30.04.2013
Óróleikinn nær til Íslands
18.02.2012 - 30.03.2012
Hörður Ágústsson
Apríl 2011
Því myndin byrjar...
04.02.2017 - 17.03.2017
Fletir
21.03.2015 - 26.06.2015
RAX
05.10.2013 - 15.01.2014
Helgi Þórsson
03.11.2012 - 04.01.2013
Kees Visser
12.11.2011 - 30.12.2011
Meðal listamanna sem eiga verk í safneign bankans eru:
Al Copley, Alfreð Flóki, Anna Líndal, Arnar Herbertsson, Arngunnur Ýr Gylfadóttir, Atli Viðar Engilbertsson, Ásgerður Búadóttir, Ásgrímur Jónsson, Birgir Andrésson, Birgir Snæbjörn Birgisson, Bjarni Þórarinsson, Björg Þorsteinsdóttir, Bragi Ásgeirsson, Brynhildur Þorgeirsdóttir, Brynjólfur Þórðarson, Daði Guðbjörnsson, Daníel Þ. Magnússon, Darri Lorenzen, Egill Sæbjörnsson, Einar Hákonarson, Einar Jónsson, Einar Már Guðvarðarson, Einar Þorláksson, Eiríkur Smith, Elías B Halldórsson, Elín Hansdóttir, Emil Thoroddsen, Erla Þórarinsdóttir, Erró, Eyborg Guðmundsdóttir, Eyjólfur Eyfells, Finnur Jónsson, Georg Guðni, Gjörningaklúbburinn, Guðmunda Andrésdóttir, Guðrún Einarsdóttir, Guðrún Kristjánsdóttir, Gunnar S. Magnússon, Gunnar Örn Gunnarsson, Gunnlaugur Blöndal, Gunnlaugur Scheving, Hafsteinn Austmann, Haraldur Jónsson, Heimir Björgúlfsson, Helgi Hjaltalín Eyjólfsson, Helgi Þorgils Friðjónsson, Helgi Már Kristinsson, Helgi Þórsson, Hildur Bjarnadóttir, Hjörleifur Sigurðsson, Hrafnkell Sigurðsson, Hreinn Friðfinnsson, Hringur Jóhannesson, Hulda Hákon, Hulda Stefánsdóttir, Hulda Vilhjálmsdóttir, Húbert Nói, Hörður Ágústsson, Ingunn Fjóla Ingþórsdóttir, Ívar Valgarðsson, Jóhann Briem, Jóhanna Kristbjörg Sigurðardóttir, Jóhannes Jóhannesson, Jóhannes S. Kjarval, Jón Axel Björnsson, Jón B.K. Ransu , Jón Engilberts, Jón Óskar Hafsteinsson, Jón Reykdal, Jón Stefánsson, Jón Þorleifsson, Júlíana Sveinsdóttir, Karl Kvaran, Karólína Lárusdóttir, Katrín Sigurðardóttir, Kjartan Guðjónsson, Kristinn E. Hrafnsson, Kristín Jónsdóttir, Kristján Davíðsson, Kristján Guðmundsson, Louisa Matthíasdóttir, Magnús Kjartansson, Magnús Tómasson, Nína Sæmundsdóttir, Nína Tryggvadóttir, Ólafur Elíasson, Ólafur Lárusson, Ólafur Túbals, Ólöf Pálsdóttir, Ragnar Axelsson, Ragnheiður Jónsdóttir Ream, Sara Björnsdóttir, Sigurður Guðmundsson, Sigurður Örlygsson, Sigurjón Ólafsson, Snorri Arinbjarnar, Spessi, Svava Björnsdóttir, Svavar Guðnason, Sveinn Þórarinsson, Sverrir Haraldsson, Sæmundur Valdimarsson, Tryggvi Ólafsson, Tumi Magnússon, Valgarður Gunnarsson, Valgerður Hauksdóttir, Valtýr Pétursson, Veturliði Gunnarsson, Vilhjálmur Bergsson, Þorgerður Sigurðardóttir, Þorvaldur Skúlason, Þorvaldur Þorsteinsson og Þórarinn B. Þorláksson.
Hönnunarmiðstöð
Árið 2016 undirrituðu Arion banki og Hönnunarmiðstöð Íslands samstarfssamning til næstu þriggja ára. Samstarfið felur meðal annars í sér stuðning Arion banka við HönnunarMars, sem er einn aðalvettvangur Hönnunarmiðstöðvar til að koma íslenskri hönnun og hugviti á framfæri.
HönnunarMars fer fram árlega í mars mánuði en allar, nánari upplýsingar má finna á honnunarmars.is.
DesignTalks
