Aðgangsstýring í netbanka (Lykilaðgangur)

Lykilnotandi fyrirtækja og stofnana getur með einföldum hætti haldið utan um netbankaaðganga starfsmanna með því að hafa aðganga að aðgangsstýringum í netbanka (Lykilaðgang).

Notendaviðmótið er einfalt og þægilegt. Öryggi og gegnsæi eykst þar sem hægt er að stofna, skoða og stýra heimildum starfsmanna á rauntíma.

Staðfesting er send í tölvupósti á valinn ábyrgðarmann í hvert skipti sem aðgangi er breytt eða nýjum aðgangi bætt við, með því má tryggja innra eftirlit í þjónustunni.

Til að opna fyrir aðgang að Lykilaðgangi í netbanka þarf umsóknareyðublað að vera undirritað af þeim sem rita firmað í fyrirtækinu.

Umsóknareyðublaðið er að finna hér: Umsóknir og eyðublöð, hægt er að senda eyðublaðið í rafræna undirritun þegar búið er að fylla inn í eyðublaðið og senda á fyrirtækjaþjónustuna.

Allar frekari upplýsingar hjá fyrirtækjaþjónustu okkar, fts@arionbanki.is.