Stígðu þín fyrstu skref hjá okkur
Í útskriftarprógrammi Arion gefst þér tækifæri til að öðlast víðtæka þekkingu, fjölbreytta starfsreynslu og breitt tengslanet.
Við opnum næst fyrir umsóknir í janúar 2027.
Í útskriftarprógrammi Arion gefst þér tækifæri til að öðlast víðtæka þekkingu, fjölbreytta starfsreynslu og breitt tengslanet.
Við opnum næst fyrir umsóknir í janúar 2027.
Um er að ræða 15 mánaða útskriftarprógramm þar sem framúrskarandi útskriftarnemum gefst einstakt tækifæri til að kynnast fjölbreyttum störfum innan Arion samstæðunnar. Þátttakendur eru í fullu starfi og flytjast á milli verkefna á nokkurra mánaða fresti, sem veitir dýrmæta reynslu og innsýn í ólík svið bankans.
Í prógramminu færðu tækifæri til að:
Þróast í starfi í takt við styrkleika og áhugasvið
Vinna með öflugri liðsheild sem leggur áherslu á fagmennsku, metnað og umbætur
Byggja upp sterkt tengslanet og öðlast víðtæka starfsreynslu
Þátttakendum gefst tækifæri til að læra af reynslumiklum sérfræðingum og komast í kynni við kraftmikið starfsfólk. Þeim er úthlutað mentorum og munu njóta leiðsagnar þeirra á meðan prógramminu stendur.
Markmið útskriftarprógrammsins er skapa vegferð fyrir sérfræðinga og leiðtoga framtíðarinnar með því að greiða fyrir aðgengi að tengslaneti, starfsreynslu og þekkingu.
Prógrammið opnar dyr að auknum starfstækifærum og gerir nemendum kleift að ná forskoti á vinnumarkaði snemma á starfsferli sínum.
Í boði eru annars vegar sérhannaðar starfslínur sem hugsaðar eru fyrir þá sem hafa mótað sér skoðun á við hvað þeir vilja starfa innan fjármálastarfseminnar og hins vegar opin starfslína sem veitir innsýn í margvíslega þætti fjármálaumhverfis.
Markmið með öllum starfslínum er að gefa einstaklingum innsýn í ólík og fjölbreytt störf innan samstæðunnar og að þátttakendur öðlist þekkingu og reynslu sem hjálpar til við að finna það hlutverk sem þau brenna fyrir.
Þjónustuver einstaklinga
Lögfræðiinnheimta
Lögfræðiráðgjöf
Útibú
Verðbréfaráðgjöf
Starf með viðskiptastjóra
Prógramminu er ætlað að höfða til einstaklinga sem eiga eftir að ákveða hvaða stefnu þeir vilja taka eftir útskrift.
Við leitum að einstaklingum sem hafa lokið eða eru að ljúka háskólanámi með framúrskarandi árangri, búa yfir mikilli samskiptahæfni og samsama sig við gildin okkar um að finna lausnir, vinna saman, koma hreint fram, sýna frumkvæði og vera framsýn.
Háskólamenntun, ýmist grunnnám eða meistaranám
Lausnamiðuð hugsun og góðir samskiptahæfileikar
Sjálfstæði í starfi
Ánægja af því að takast á við ný og krefjandi verkefni
Góð íslensku- og enskukunnátta í ræðu og riti
Framúrskarandi árangur í námi eða öðru
Reynsla af bankastörfum er kostur en ekki skilyrði