Íbúðalán eða fasteignalán fyrir þá sem eru með tekjur í erlendri mynt eru fyrir viðskiptavini sem vilja taka lán en þurfa að nota erlendar tekjur til að standast greiðslumat eða eru með lögheimili erlendis. Fasteignaveð er alltaf á Íslandi.

Skilyrði er að íbúðalánið sé ætlað einstaklingum til kaupa, endurbóta eða endurfjármögnunar á íbúðarhúsnæði til eigin nota.

Greiðslumat

Lántaki þarf að geta staðist greiðslumat að teknu tilliti að greiðslubyrði (regluleg endurgreiðsla lánsins) íbúðaláns geti hækkað um 40%.

Forsendur fyrir láni

• Veðhlutfall má aldrei fara yfir 70% af markaðsvirði við kaup og fasteignamati við endurfjármögnun
• Lánið er alltaf á fyrsta veðrétti
• Lánstími: 5-40 ár
• Lántökugjald er kr. 149.000
• Lágmarkslán er kr. 1.000.000 við hverja lántöku
• Ef lánsfjárhæð er hærri en kr. 60.000.000 þarf afgangur í greiðslumati að vera kr. 150.000 að lágmarki

Greiðsla af láni

Það er skylda að hafa lánið í skuldfærslu af innlánsreikningi í íslenskum krónum. Það má ekki greiða þau í erlendri mynt.

Viðskiptavinur verður að hafa frumkvæði af því að millifæra á reikning í íslenskum krónum til að greiða af láninu.

Mikilvægt að vita

Athugið að ætli lántaki sér ekki að búa í fasteigninni hefur það áhrif á vaxtaálag lánsins.

Leyfilegt er að lána til aðila sem eru með erlent lögheimili en ákveðin lönd þarf að skoða nánar.

Lánsumsókn

Umsókn um lán í íslenskum krónum tengt erlendum gjaldmiðli