Einstaklingar
  • Lán
  • Kort
  • Sparnaður
  • Fleira
    • Kort
  • Kreditkort
  • Debetkort
  • Gjafakort
  • Endurkröfur
  • Tilkynna glatað kort
    • Endurkröfur

    Athugasemd við kortafærslu

    Það er nauðsynlegt að reyna að leysa málið beint við söluaðila áður en hægt er að framkvæma endurkröfu á færslu. Ef það gengur ekki þá aðstoðum við þig með endurkröfuferlið.

    Ef þú kannast ekki við færslu á kortinu þínu er hægt að frysta kreditkort strax í Arion appinu á meðan málið er skoðað. Ef eftirgrennslan bendir til að um sviksamlega færslu sé að ræða þarf að hafa samband við Arion banka sem fyrst og loka viðkomandi greiðslukorti áður en endurkröfuferlið er sett af stað. Utan opnunartíma bankans er hægt að hringja í vaktþjónustu Rapyd í síma 525-2000.

    Gera endurkröfu

    Ekki með rafræn skilríki

    Ef þú hefur ekki rafræn skilríki þá þarf að gera endurkröfu með því að fylla út og undirrita endurkröfueyðublað og senda það ásamt viðeigandi fylgigögnum á endurkrofur@arionbanki.is eða skila því inn í næsta útibú.

    Lengd endurkröfuferlis

    Athugið að endurkröfuferlið tekur að jafnaði 5 – 10 vikur frá því að öll gögn berast. Tímalengd ræðst af eðli máls og þeim gögnum sem er framvísað með kröfunni. Mál geta dregist lengur ef söluaðili mótmælir endurkröfubeiðni.

    Til að minnka líkurnar á að mál tefjist eða réttur til endurkröfu falli niður er mikilvægt að senda öll viðeigandi gögn með umsókn um endurkröfu.

    Endurkröfuréttur kortafærsla

    Ekki er hægt að gera endurkröfu á sviksamlegum forsendum á færslur sem korthafi framkvæmir og staðfestir sjálfur. Á það við um færslur sem eru framkvæmdar með PIN númeri, með greiðslulausn í farsíma eða netfærslur sem eru staðfestar í appi eða netbanka eða með öryggisnúmeri úr SMS skilaboðum.

    Þeir skilmálar sem samþykktir eru við kaup á vöru eða þjónustu ákvarða rétt korthafa til að óska eftir endurgreiðslu. Á þetta meðal annars við um rétt til endurgreiðslu ef þjónusta eða áskrift er afpöntuð eða ef pöntuð vara er ekki móttekin.

    Algengar endurkröfur

    • + Ég kannast ekki við færslu á kortinu mínu

      Ef færsla er á kortinu sem þú kannast ekki við, eða telur jafnvel að sé sviksamleg þá aðstoðum við þig við að gera endurkröfu á færsluna.

      • Ekki er hægt að gera endurkröfu á færslu á þeirri forsendu að hún sé sviksamleg nema loka kortinu fyrst.
      • Ekki er hægt að gera endurkröfu á færslu á þeirri forsendu að hún sé sviksamleg ef hún er framkvæmd og staðfest af korthafa.
      • Mikilvægt er að láta allar viðeigandi upplýsingar og fylgigögn fylgja með endurkröfubeiðninni ef slíkt er til staðar.
      • Athugið að gera þarf endurkröfu innan 90 daga frá færsludagsetningu. Ef gild endurkröfubeiðni berst ekki innan þess tíma er möguleiki á að frestur til að framkvæma endurkröfu sé útrunninn.

    • + Ég pantaði vöru/þjónustu sem ég hef ekki móttekið

      Ef vara eða þjónusta sem greitt er fyrir með korti er ekki mótekin þá þarf að byrja á því að reyna að leysa málið með því að hafa samband við söluaðila. Ef það er árangurslaust þá aðstoðum við þig við að gera endurkröfu á færsluna.

      • Ekki er hægt að hefja endurkröfuferli nema korthafi hafi fyrst reynt að leysa málið sjálfur beint við söluaðila.
      • Með endurkröfubeiðni þurfa að fylgja eftirfarandi gögn:
        • Upplýsingar um að reynt hafi verið að leysa málið við söluaðila og afrit af samskiptum við söluaðila ef við á.
        • Afrit af bókun/pöntun eða aðrar upplýsingar þar sem fram kemur hvað var bókað og hvenær áætlaður afhendingardagur vöru/þjónustu var.
        • Staðfesting á að vara var ekki móttekin.
      • Athugið að skila þarf inn öllum gögnum til að hefja endurkröfuferli innan 90 daga frá því að þjónusta var ekki móttekin. Ef gögn berast ekki innan þess tíma er möguleiki á að frestur til að gera endurkröfu sé útrunninn.

    • + Ég afbókaði þjónustu/áskrift

      Ef þú afbókar þjónustu eða áskrift er mikilvægt að gera það á þann hátt og innan þess tíma sem skilmálar seljanda kveða á um. Ef endurgreiðsla berst ekki innan 15 daga frá því að þú afbókar hjá söluaðila getur þú gert athugasemd við færsluna.

      Athugið að ekki er hægt að gera endurkröfu ef skilmálar seljanda kveða á að um „óendurkræf“ viðskipti sé að ræða (non-refundable).

      • Með endurkröfubeiðni þurfa að fylgja eftirfarandi gögn:
        • Afrit af samskiptum við söluaðila og afbókun sem var framkvæmd í samræmi við skilmála.
        • Afrit af pöntunar eða bókunarstaðfestingu þar sem hægt er að finna skilmála afbókunar svo hægt sé að sýna að afbókun var framkvæmd í samræmi við bókunarskilmála.
        • Önnur gögn eftir því sem við á.