Besta bankaappið á Íslandi
Samkvæmt könnun MMR (nóvember 2018) er Arion appið besta bankaappið á Íslandi. Við munum áfram leggja áherslu á að veita þægilega bankaþjónustu fyrir framtíðina.
Vertu með bankann í vasanum
Stjórnaðu öllum þínum helstu bankaþörfum þar sem þér hentar og þegar þér hentar.
Með Arion appinu getur þú séð stöðuna, millifært og greitt reikninga, fljótlega og þægilega, hvar og hvenær sem er. Allt sem þú þarft á einum stað, í vasanum.
Aldrei verið þægilegra að vera með kreditkort
Það hefur aldrei verið þægilegra að greiða inn á kreditkort, dreifa kreditkortareikningum og hækka eða lækka heimildina.
Viljir þú dreifa kreditkortareikningi velur þú einfaldlega hversu háa upphæð þú vilt greiða og á hve mörgum mánuðum. Allt þetta getur þú gert í Arion appinu.
Öruggari kortaþjónusta
Nú getur þú fryst kreditkortið þitt með einum smelli og virkjað þau aftur á sama hátt.
Komi það fyrir að þú munir ekki PIN-númer á kortunum þínum þá hefur aldrei verið auðveldara að fá þau upp.
Reglulegur sparnaður
Við auðveldum þér að spara. Nú getur þú hafið reglulegan sparnað í Arion appinu. Ef þú átt ekki sparnaðarreikning getur þú stofnað reikninginn í appinu og byrajð reglulegan sparnað með mánaðarlegum greiðslum.
Kjörin leið til að leggja til hliðar og safna sér fyrir því sem þig langar í.
Að virkja appið
Uppsetning á appinu, innskráning, auðkenning og notkunarmöguleikar.
Öll helstu bankaviðskipti í símanum
Greiðsla reikninga, rafræn skjöl, staða verðbréfasafna greiðsludreifing, tilkynningar og margt fleira.
PIN númer og frysting korta
Hægt er að sækja PIN númer í appið þegar mikið liggur við og einnig frysta kortið ef þú finnur það ekki.
Við tökum öryggismálin alvarlega
Við höfum gert allt sem er í okkar valdi til að tryggja að öryggi frá okkar hendi sé eins vel leyst og mögulegt er.
Tilkynningar um greiðslu eða stöðu
Viltu fá að vita þegar launin þín eru komin? Eða þegar staðan fer undir ákveðna upphæð? Það er ekkert mál, þú velur hvaða tilkynningar þú færð sendar.
Yfirlit og rafræn skjöl
Hafðu gott yfirlt yfir reikningana þína. Þú getur valið þá reikninga sem þú vilt sjá og þannig sérsniðið yfirlitið að þínum þörfum. Rafrænu skjölin þín eru svo alltaf á sínum stað.
Spurt og svarað
Hvar get ég sótt appið?
Hvernig get ég séð hvaða snjallsímar eru tengdir við netbankaaðganginn minn?
Hvernig get ég tryggt öryggi mitt sem best?
Hvað ef ég gleymi leyninúmeri?
Hvað geri ég ef ég týni símanum?
Þarf ég netbankaaðgang til að geta notað appið?
Hvaða reikningar og kort sjást í appinu?
Hvernig bæti ég við reikningi/korti sem er ekki undir „Stillingum“?
Appið virkar ekki hjá mér, hvað er líklegasta útskýringin?
Virkar þetta líka fyrir fyrirtæki?
Hvað kostar appið?
Hver er hámarks millifærsla á nýja viðkendur?
Hvar get ég sótt appið?
Þú getur sótt Arion appið í App Store og Google Play Store.
Hvernig get ég séð hvaða snjallsímar eru tengdir við netbankaaðganginn minn?
Í netbankanum getur þú séð hvaða snjallsímar eru tengdir við netbankaaðganginn þinn. Hægt er að aftengja símtæki bæði í appinu sjálfu undir „Stillingar“ og í netbankanum undir „Stillingar“ í aðgerðinni „Snjallsímaforrit“. Einnig er bæði hægt að velja hvaða reikningar og kreditkort eru birt í snjallsímanum í þessari aðgerð. Ef breytt er í netbankanum koma breytingarnar fram næst þegar appið er keyrt á símanum.
Ef sími hefur glatast og/eða er ekki lengur í þinni umsjón hvetjum við þig til aftengja hann sem fyrst. Við það að aftengja er tenging símans við bankann afturkölluð næst þegar appið er ræst upp og nauðsynlegt er að skrá sig inn aftur. Einfalt mál er að tengja símann aftur með því að fara í gegnum innskráningarferlið á símanum.
Hvernig get ég tryggt öryggi mitt sem best?
1) Uppfæra stýrikerfið á símanum reglulega. Nauðsynlegt er að passa að setja inn nýjustu útgáfu af stýrikerfinu á símanum reglulega. Með nýjum útgáfum er oft verið að loka fyrir þekkta veikleika og því gott að halda símanum uppfærðum.
2) Uppfæra appið á símanum þegar nýjar útgáfur koma. Reglulega koma nýjar útgáfur af appinu. Þá koma meldingar í símanum sem tilkynna það eins og með önnur forrit sem búið er að setja upp á símanum. Við mælum með að uppfæra appið alltaf þegar það er mögulegt þar sem sífellt er verið að reyna að vera skrefi á undan þeim sem eru að leita að veikleikum í öryggi.
3) PIN númerið á símanum. PIN númerið ver upplýsingar á símanum og tryggir að ef hann fellur í rangar hendur mun það verða mun erfiðara fyrir viðkomandi að komast inn í upplýsingar í símanum.
4) Gæta að PIN númeri og leyninúmeri. Einn liður í örygginu er að vera með gott leyninúmer og PIN og nota sem dæmi ekki 1234. Einnig þarf að passa að óviðkomandi sjái ekki þegar leyninúmerin eru slegin inn.
Hvað ef ég gleymi leyninúmeri?
Eftir 5 tilraunir eru appið sett í upphafsstöðu og öllum upplýsingum notanda eytt út af símanum. Þá þarf einungis að fara í gegnum innskráningarferlið aftur til að byrja upp á nýtt.
Hvað geri ég ef ég týni símanum?
Þá skráir þig inn í netbankann og aftengir símann. Það er gert undir „Stillingar“ > „Snjallsíma forrit“. Þar er listi yfir þá snjallsíma sem tengdir eru við netbankaaðganginn þinn. Til að aftengja er valið „Aftengja tæki“. Við það að aftengja er öllum upplýsingum tengdum appinu eytt næst þegar appið reynir að sækja gögn. Appið er eftir sem áður á símanum en það er ekki lengur tengt viðkomandi notanda.
Einfalt mál er að tengja símann aftur með því að fara í gegnum innskráningarferlið á símanum, en þá þarf að slá inn notandanafn, lykilorð og auðkennisnúmer eða skrá sig inn með rafrænum skilríkjum.
Þarf ég netbankaaðgang til að geta notað appið?
Já, appið þarf aðgang að netbanka til að virka. Hægt er að sækja um netbankaaðgang í næsta útibúi. Ef netbankaaðgangurinn hefur aldrei verið notaður áður þarf fyrst að skrá sig inn í hefðbundna netbankann á arionbanki.is til að samþykkja almenna skilmála um netbankanotkun áður en byrjað er að nota appið.
Hvaða reikningar og kort sjást í appinu?
Appið notar netbankaaðgang og þeir reikningar og kort sem eru aðgengileg í netbankanum eru líka sýnileg í appinu. Undir stillingar er hægt að velja síðan hvað af þessum reikningum og kreditkortum eru sýnileg innan appsins þegar staða og færslur eru skoðaðar.
Hvernig bæti ég við reikningi/korti sem er ekki undir „Stillingum“?
Ef viðkomandi reikningur er ekki undir stillingum er hann ekki heldur skráður í netbankanum. Best er að hafa samband við þjónustuver eða næsta útibú til að tengja hann við netbanka.
Appið virkar ekki hjá mér, hvað er líklegasta útskýringin?
Í langflestum tilfellum er það vegna þess að síminn er ekki með netsamband, best er að prófa að fara á netið og athuga hvort internettenging símans sé virk. Ef internettenging er virk og appið virkar ekki má prófa að eyða appinu og sækja það aftur í App Store (iPhone) eða Google Play (Android).
Virkar þetta líka fyrir fyrirtæki?
Já, þetta virkar fyrir allar tegundir af netbankanotendum, en það getur bara verið einn notandi að appinu. Þannig getur þú annað hvort verið fyrirtæki eða einstaklingur með appið.
Hvað kostar appið?
Appið sjálft er viðskiptavinum að kostnaðarlausu. Ef tengst er í gegnum 4G, 3G eða Edge (s.s. ekki WIFI) þá þarf að greiða símafyrirtækjunum fyrir gagnaflutning. Þetta er sambærilegt við öll önnur öpp á símum sem tengjast vefnum.
Hver er hámarks millifærsla á nýja viðkendur?
Millifærsla á nýja (óþekkta) aðila má vera samtals 50.000 kr. innan sólarhrings.
Dæmi: Ef millifært er 40.000 kr. á nýjan aðila þarf ekki auðkenningu. Ef önnur millifærsla á nýjan aðila á sér stað innan sama dags t.d. 12.000 kr. þá þarf auka auðkenningu fyrir þá millifærslu því hámarks upphæð innan dagsins er orðin hærri en 50.000 kr.
Athugið að þetta á ekki við ef millifært er á þekktan aðila.