Góður andi laðar að sér gott fólk

Hjá okkur ríkir góður andi og við leggjum okkur fram við að efla starfsfólkið okkar.
Hópurinn er fjölbreyttur, en á það sameiginlegt að hafa metnað fyrir störfum sínum.

Sækja um starf hjá Arion

Mannauðsstefnan okkar

Markmið okkar er að halda í, laða að og efla framúrskarandi starfsfólk.

Við viljum skapa jákvætt og hvetjandi starfsumhverfi og leggjum því áherslu á jöfn tækifæri, sem og árangursdrifna vinnustaðamenningu.

Í sameiningu leggjum við okkur fram við að skilja þarfir og uppfylla væntingar viðskiptavina okkar, enda er árangur þeirra okkar árangur.

Mannauðsstefna Arion

Stígðu þín fyrstu skref hjá okkur

Framúrskarandi útskriftarnemum gefst kostur á að taka þátt í útskriftarprógrammi Arion og kynnast fjölbreyttum störfum innan samstæðunnar.

Útskriftarprógram

Markmiðið að starfsfólki líði vel

Fólk ver stórum hluta dagsins í vinnunni og því mikilvægt að umhverfið taki mið af þörfum þess. Í starfsstöðvum okkar eru þægindi í fyrirrúmi, falleg listaverk prýða veggina og passað er upp á hljóðvist í vinnurýmum.

Í mötuneyti höfuðstöðvanna ráða frábærir kokkar ríkjum. Ávallt er boðið upp á kjöt- eða fiskrétt – að ógleymdum grænkerarétti og salatbar. Þá er einnig að finna líkamsræktarsal, auk þess sem hægt er að skella sér í pool, fótboltaspil, golfhermi eða pílu á milli verkefna.

Látum þetta ganga upp

Það getur verið áskorun að samræma vinnu og einkalíf. Við höfum því sett okkur skýr markmið um að vera fjölskylduvænn vinnustaður og bjóðum bæði upp á sveigjanlegt starfsumhverfi og fjarvinnustefnu.

Við tryggjum starfsfólki að jafnaði 80% laun í fæðingarorlofi auk þess sem við bjóðum dagvistun fyrir börn starfsfólks til að brúa bilið á milli fæðingarorlofs og leikskóla.

Viltu kíkja í heimsókn?

Félagslífið í Arion

Við látum okkur ekki leiðast

Skjöldur, starfsmannafélag Arion, rekur ekki aðeins orlofshús víðs vegar um landið. Félagið starfrækir einnig hina ýmsu klúbba – svo allir starfsmenn ættu að geta fundið eitthvað við sitt hæfi.

Það er til mikils að vinna

Listvinir er stærsti klúbburinn sem starfræktur er innan Arion og telur rúmlega 500 meðlimi. Markmið klúbbsins er að efla áhuga og þekkingu starfsfólks á menningu og listum, auk þess að styðja við bakið á listafólki.

Klúbburinn stendur ekki aðeins fyrir áhugaverðum fyrirlestrum og námskeiðum, því tvisvar á ári eru svo haldin svokölluð listakvöld. Þar gefst meðlimum klúbbsins tækifæri á að eignast falleg og eiguleg verk – ef heppnin er með þeim.

Við hlustum á fólkið okkar

Góður starfsandi verður ekki til af sjálfu sér. Við leggjum mikinn metnað í að viðhalda starfsánægju og mælum reglulega upplifun fólks af vinnustaðnum. Niðurstöður sýna að starfsfólki líður vel og er ánægt í starfi.

Við leggjum auk þess mikið upp úr góðum samskiptum. Það er bæði fljótlegt og einfalt að koma ábendingum á framfæri, sem gerir okkur kleift að bregðast skjótt við.

Þegar könnunin fór fram voru 823 starfsmenn hjá bankanum.

Hvaða ferðamáti hentar þér?

Getur þú nýtt þér samgöngustyrk?

Sífellt fleiri kjósa að ganga, hjóla eða nota almenningssamgöngur til að komast til og frá vinnu. Við fögnum því og bjóðum starfsfólki sem nýtir sér umhverfisvænan ferðamáta samgöngustyrk.

Rafskúta eða rafbíll?

Við greiðum einnig fyrir afnot af rafskútum HOPP á vinnutíma, sem er hentugt ef fólk þarf að skjótast á fund í næsta nágrenni.

Við höfuðstöðvarnar má svo finna yfir 50 rafhleðslustöðvar þar sem starfsfólk getur hlaðið bíla sína.

Við skörum fram úr

Árlega standa Samtök atvinnulífsins og aðildarfélög að menntaverðlaunum atvinnulífsins. Í flokki menntafyrirtækis ársins bárust á fjórða tug tilnefninga, og valdi dómnefnd Arion banka úr hópi þriggja fyrirtækja sem þóttu skara fram úr í fræðslu- og menntamálum árið 2024.

Umsögn dómnefndar um Arion:

„Framsækið og faglegt fræðslustarf. Starfsfólk þróar námsefnið á frumlegan hátt, fræðsluvísitala er innbyggð í fræðslustarfið og vel er haldið utan um starfsþróun innan fyrirtækisins.“

Hvað segir starfsfólk?

Harpa Þrastardóttir

Tæknilegur vörustjóri

„Í Arion er alltaf nóg af skemmtilegum verkefnum og mikil tækifæri til þess að þróast í starfi. Starfsfólk er lausnamiðað og er sífellt að reyna að gera betur gagnvart viðskiptavinum og starfsfólki. Svo er mötuneytið upp á tíu!“

Björgvin Már Þorvaldsson

Þjónustustjóri

„Arion er frábær vinnustaður sem býður upp á mikinn sveigjanleika. Einnig er frábært starfsmannafélag sem stendur fyrir fjölbreyttu félagsstarfi og erum við svo heppin að hafa besta mötuneyti landsins.“

Heiðrún Leifsdóttir

Sérfræðingur

„Hér er vel hugsað um starfsfólkið og það hentar mér vel að hafa mikið að gera. Ég er þakklát fyrir að hafa fengið að prufa ýmis verkefni og er nú í því allra skemmtilegasta sem ég hef gert á ferlinum.“

Lán

Sparnaður

Kort og greiðslur

Fríðindi

Tryggingar

Fjölskyldan

Einfaldaðu lífið

Á tímamótum

Fræðsla og ráðgjöf

Fjármögnun

Ávöxtun

Greiðslur

Lausnir

Tryggingar

Rekstrarform

Einfaldaðu reksturinn

Ráðgjöf

Þinn árangur

Stjórnskipulag

Mannauður

Sjálfbærni

Þjónusta

Regluverk

Gögn

Fjölmiðlar

Fjárhagsupplýsingar

Hlutabréf

Skuldabréf

Miðlun

Góð­ur andi lað­ar að sér gott fólk

Mannauðs­stefn­an okk­ar

Stígðu þín fyrstu skref hjá okk­ur

Mark­mið­ið að starfs­fólki líði vel