Atvinnutækjalán er góður valkostur fyrir fyrirtæki, bændur og einyrkja þegar kemur að fjármögnun bíla og atvinnutækja. Lánin eru bæði í formi skuldabréfaláns, þar sem lántaki er skráður eigandi bíls/tækis á samningstíma, sem og kaupleigu þar sem Arion banki er skráður eigandi bíls/tækis þar til samningstíma lýkur.

Lánstími getur verið allt að 7 ár eða 84 mánuði og hámarks lánshlutfall allt að 80% af virði bíls/tækis að frádregnum virðisaukaskatti.

Græn bíla- og vinnuvélalán

Viðskiptavinir greiða engin lántökugjöld við fjármögnun bíla og atvinnutækja sem ganga eingöngu fyrir rafmagni eða öðrum 100% endurnýjanlegum orkugjöfum.

Við fjármögnun bíla og atvinnutækja sem nota að hluta endurnýjanlega orkugjafa og hluta jarðefnaeldsneyti sem er minni útblástur en 99g/km í vegið C02 gildi, er veittur helmings afsláttur af lántökugjöldum.

Forsendur fjármögnunar

• Samanlagður aldur bíls/tækis og lánstími getur að hámarki verið 10 ár.
• Skilyrði fyrir fjármögnun vinnuvéla eru að tækið verði skráð hjá Vinnueftirliti.
• Bíll/tæki skal vera með viðeigandi tryggingar út lánstíma.
• Að virkur eftirmarkaður sé til staðar fyrir veðsett tæki/vél. Sérfræðingur bankans metur seljanleika tækis og líftíma.
• Ekkert uppgreiðslu eða umframgreiðslugjald er af Atvinnutækjalánum.
• Eingöngu er lánað í íslenskum krónum.

Hvernig ber ég mig að?

Þegar um fjármögnun bifreiða er að ræða er hægt að óska eftir fjármögnun í gegnum öll helstu bílaumboð landsins. Einnig er hægt að hafa beint samband við sérfræðinga Atvinnutækjalána.

Þegar kemur að fjármögnun vinnuvéla skal hafa samband við sérfræðinga bankans í síma 444-8811 eða senda tölvupóst á netfangið taeki@arionbanki.is.