Snjöll leið til að hækka launin
og spara um leið

Þegar þú stofnar viðbótarlífeyrissparnað velur þú að greiða 2 til 4% af launum þínum í viðbótarlífeyrissparnað og á móti greiðir launagreiðandi þinn 2%, þannig færðu launahækkun frá launagreiðanda þínum. Þú getur því verið að leggja fyrir allt að 6% af heildarlaunum í sparnað.

Sparnaður sem tryggir þér betri framtíð

Þegar fólk fer á eftirlaun lækka oft tekjurnar. Því er snjallt ráð að nota viðbótarlífeyrissparnaðinn til að hækka tekjurnar á eftirlaunaaldri. Þú gætir jafnvel hætt fyrr að vinna.

Sjá grein um undirbúning starfsloka

Launahækkun í formi mótframlags

Ef þú leggur til 2 til 4% af launum þínum í viðbótarlífeyrissparnað færðu 2% mótframlag frá launagreiðanda þínum.

Góðar fjárfestingaleiðir

Í viðbótarlífeyrissparnaði Arion banka getur þú valið á milli fjölbreyttra fjárfestingarleiða sem mæta ólíkum þörfum vegna aldurs og viðhorfs til áhættu.

Þú getur líka valið leið sem kölluð er Ævilína þar sem þú færist sjálfkrafa milli ávöxtunarleiða eftir aldri.

Sjá nánar

Sparnaður sem getur auðveldað íbúðakaupin

Hægt er að greiða viðbótarlífeyrissparnað skattfrjálst inn á íbúðalán og ef þú ert að kaupa fasteign áttu möguleika á að nýta viðbótarlífeyrissparnaðinn til að auðvelda þér kaupin.

Sjá nánar

Sparnaður sem erfist að fullu

Ef þú fellur frá þá fer það sem þú hefur safnað í viðbótarlífeyrissparnað að fullu til erfingja. Erfingjar greiða ekki erfðafjárskatt af lífeyrissparnaði heldur er útgreiðslan skattlögð samkvæmt lögum um tekjuskatt.

Sjá nánar um útgreiðslur

Greiðir ekki skatt við innborgun

Enginn tekjuskattur er greiddur við innborgun heldur við útgreiðslu, enginn fjármagnstekjuskattur af ávöxtun og enginn erfðafjárskattur af inneign við andlát. Sparnaðurinn er ekki aðfararhæfur við gjaldþrot.

Reiknaðu út þinn sparnað

Mánaðarlaun

Aldur við inngöngu

Núverandi eign

Hlutfall af launum

2%4%

Þitt framlag

9.720.000

Mótframlag

4.860.000

Ávöxtun

20.339.611

Fyrirvari

Fyrirvari

Útreikningarnir miða við uppgefnar forsendur. Gert er ráð fyrir að ávöxtun sé 3,5% á ári og að greitt sé mánaðarlega 4% iðgjald af launum og mótframlag launagreiðanda sé 2%. Þegar sjóðfélagi hefur náð 60 ára aldri er viðbótarlífeyrissparnaður laus til útgreiðslu og hægt að óska eftir mánaðarlegum eða árlegum greiðslum auk eingreiðslu. Athugið að niðurstaðan úr reiknivélinni er eingöngu dæmi sem er sett til viðmiðunar og breytist ef forsendur um aldur, mánaðarlaun, iðgjald, ávöxtun og útborgunartímabil séreignar breytast.
Ofangreindur útreikningur er aðeins framkvæmdur í dæmaskyni og án skuldbindingar fyrir Arion banka hf. Arion banki hf. ber ekki ábyrgð á beinu eða óbeinu tjóni sem verður vegna þess að viðskiptavinur byggði ákvarðanir sínar á útreikningi í reiknivélinni. Útreikningurinn er framkvæmdur miðað við upplýsingar sem viðskiptavinurinn hefur látið Arion banka hf. í té en bankinn hefur ekki staðreynt áreiðanleika upplýsinganna. Reynist upplýsingarnar rangar ber Arion banki hf. ekki ábyrgð á beinu eða óbeinu tjóni sem útreikningurinn gæti valdið viðskiptavininum eða öðrum. Arion banki hf. ber ekki ábyrgð á beinu eða óbeinu tjóni sem hlotist gæti vegna ráðgjafar starfsmanna Arion banka hf. á grundvelli útreiknings sem reynist rangur. Útreikningurinn felur ekki í sér ráðgjöf frá starfsmönnum Arion banka hf. til viðskiptavinar. Viðskiptavinurinn ber einn ábyrgð á þeim ákvörðunum sem hann tekur á grundvelli útreikningsins og skiptir þá engu hvort þær ákvarðanir lúta að viðskiptum við Arion banka hf. eða aðra aðila.

Þú fylgist með
lífeyrismálunum í Arion appinu

Í Arion appinu býðst þér einstök yfirsýn yfir lífeyrissparnaðinn þinn. Ef þú ert ekki með viðbótarlífeyrissparnað hjá Arion banka nú þegar getur þú stofnað hann í appinu með nokkrum smellum.

Í appinu er m.a. hægt að:

Stofna viðbótarsparnað og byrja að spara
Skoða yfirlit yfir ráðstöfun viðbótarsparnaðar inn á íbúðalán
Fylgjast með greiðslum inn á íbúðalán og sjá hvort greiðslur séu virkar
Flytja annan viðbótarsparnað til Arion banka með einföldum hætti
Fylgjast með núverandi stöðu og þróun inneignar frá upphafi
Sjá áætlaða stöðu við starfslok og mánaðarlegar útgreiðslur
Taka út séreignarsparnað

Sækja Arion appið fyrir iOS Sækja Arion appið fyrir Android

Nánar um appið

Ef þú getur ekki sótt Arion appið er hægt að skrá sig inn á Mínar síður.
Ef þú ert ekki með rafræn skilríki eru eyðublöð hér.

Þú velur fjárfestingarleið
sem hentar þér

Þú getur valið um fjölbreytt úrval fjárfestingarleiða sem mæta ólíkum þörfum vegna aldurs og viðhorfs til áhættu.

Ef þú velur ævilínu færist þú sjálfkrafa milli fjárfestingarleiðanna Lífeyrisauka 1 til 5 og minnkar þannig áhættu eignasafns þíns eftir aldri.

Hér getur þú nálgast nánari upplýsingar um ávöxtun leiðanna o.fl.

Flestir velja ævilínu en einfalt er að breyta um fjárfestingarleið hvenær sem þú vilt.

Við val á leið ættir þú m.a. að hafa í huga:

Hversu langt er í útgreiðslu
Hver er eignastaðan þín
Hvert er viðhorf þitt til áhættu

Lífeyrisauki 1

Markmiðið er að fjárfesta 72% í hlutabréfum og 28% í skuldabréfum. Sveiflur í ávöxtun geta verið talsvert miklar í þessari leið. Vænt ávöxtun er því heldur hærri en í áhættuminni leiðum.

Aldur í Ævilínu	30 ára og yngri
Nafnávöxtun sl. 10 ár	6,4%
Sveiflur í ávöxtun

SJÁ NÁNAR

Lífeyrisauki 2

Markmiðið er að fjárfesta 55% í hlutabréfum og 45% í skuldabréfum. Sveiflur í ávöxtun geta verið talsvert miklar í þessari leið en þó minni en í sparnaðarleið 1. Vænt ávöxtun er því lægri en í sparnaðarleið 1.

Aldur í Ævilínu	31 til 40 ára
Nafnávöxtun sl. 10 ár	6,4%
Sveiflur í ávöxtun

SJÁ NÁNAR

Lífeyrisauki 3

Markmiðið er að fjárfesta 36% í hlutabréfum og 64% í skuldabréfum. Sveiflur í ávöxtun eru minni en í sparnaðarleið 2 og vænt ávöxtun því lægri.

Aldur í Ævilínu	41 til 54 ára
Nafnávöxtun sl. 10 ár	6,2%
Sveiflur í ávöxtun

SJÁ NÁNAR

Lífeyrisauki 4

Markmiðið er að fjárfesta 21% í hlutabréfum og 79% í skuldabréfum. Sveiflur í ávöxtun eru minni en í öðrum sparnaðarleiðum og vænt ávöxtun því lægri.

Aldur í Ævilínu	55 til 60 ára
Nafnávöxtun sl. 10 ár	6,1%
Sveiflur í ávöxtun

SJÁ NÁNAR

Lífeyrisauki 5 - Innlend skuldabréf

Markmiðið að fjárfesta 100% í skuldabréfum gefnum út af ríkinu, innlendum fyrirtækjum og innlánum. Markmið er að ná góðri ávöxtun þar sem áhersla er lögð á áhættudreifingu og trausta skuldara.

Aldur í Ævilínu	61 árs og eldri
Nafnávöxtun sl. 10 ár	5,9%
Sveiflur í ávöxtun

SJÁ NÁNAR

Lífeyrisauki - Erlend verðbréf

Markmiðið að fjárfesta 85% í erlendum hlutabréfum og 15% í erlendum skuldabréfum. Sveiflur í ávöxtun geta verið talsvert miklar í þessari leið. Fjárfest er bæði í stökum eignum og sjóðum, mikil áhersla er lögð á að ná sem mestri áhættudreifingu.

Ekki hluti af Ævilínu
Nafnávöxtun sl. 10 ár	4,9%
Sveiflur í ávöxtun

SJÁ NÁNAR

Lífeyrisauki - Innlán

Iðgjöld eru lögð inn á innlánsreikning sem ber verðtryggða vexti skv. vaxtatöflu Arion banka. Þessi leið er ætluð þeim sem vilja lágmarka sveiflur á verðmæti inneignar sinnar svo og nýta sér kosti verðtryggingar.

Ekki hluti af Ævilínu
Nafnávöxtun sl. 10 ár	5,4%
Sveiflur í ávöxtun

SJÁ NÁNAR

Spurt og svarað

Hverjir eru helstu kostir viðbótarsparnaðar?
Eitt besta sparnaðarform sem völ er á, einföld og hagkvæm leið til að auka fjárhagslegt sjálfstæði.
- Mótframlag launagreiðenda er í raun launahækkun.
- Launagreiðandi sér um greiðslur sem er afar þægilegt.
- Skattahagræðið getur verið umtalsvert:
  - Tekjuskattur við útgreiðslu - frádráttarbær frá tekjuskattstofni við innborgun.
  - Fjármagnstekjuskattur enginn.
  - Erfðafjárskattur enginn.
- Ábyrgðarsjóður launa ábyrgist greiðslur.
- Innheimtuþjónusta þér að kostnaðarlausu.
- Ábyrgðarsjóðuro launa ábyrgist greiðslur.
- Fjárnám, veðsetning og framsal óheimilt.
- Skattfrjáls ráðstöfun vegna íbúðakaupa.
- Erfist að fullu.
Hvað má greiða mikið í viðbótarsparnað?
Launþegi getur lagt fyrir allt að 4% af launum í viðbótarsparnað að hámarki og fær 2% mótframlag frá launagreiðanda skv. flestum kjarasamningum. Dæmi eru um að launþegar geti samið við launagreiðendur sína um hærra mótframlag en launagreiðanda er heimilt að greiða í mótframlag sem nemur 12% af launum + 2.000.000 kr. árlega fyrir hvern launþega, samtals í skyldu- og viðbótarsparnað. Iðgjald launagreiðanda getur verið enn hærra hafi verið samið um það í kjarasamningum eða ef það er bundið í lög. Ef iðgjald launagreiðanda fer umfram þessi mörk telst það til tekna hjá launþega og verður skattlagt sem slíkt, sem er ekki skattalega hagkvæmt. Það fer eftir því hve hátt mótframlag launagreiðandi er nú þegar að greiða hvort skattalegt svigrúm er til frekari samninga um hækkun mótframlags til lífeyrissparnaðar. Það er umhugsunarvert fyrir launþega að kanna hvort samningsvilji er fyrir hendi hjá launagreiðanda og láta á það reyna að semja til framtíðar um hærra mótframlag til viðbótarsparnaðar í stað hefðbundinnar launahækkunar. Með því móti getur launþegi notið góðs af þeim hagstæðu skattareglum sem gilda um lífeyrissparnað. Þetta getur verið sérstaklega hagkvæmt fyrir þá sem greiða hluta tekjuskatts núverandi launa í hæsta skattþrep, en reikna með að eftirlaunin fari í lægra skattþrep. Þannig er möguleiki á lægri heildartekjuskattgreiðslum. Sjálfstæðir atvinnurekendur nýta gjarna þennan kost. Sjá umfjöllun í greininni Einyrkjar hafa meira frelsi en launafólk.
Get ég valið hvar ég ávaxta viðbótarsparnað?
Þú hefur frjálst val um hvar þú ávaxtar þinn viðbótarsparnað. Þú þarft ekki að greiða hann í sama sjóð og þú greiðir skyldusparnaðinn þinn. Til viðbótar við lífeyrissjóði er bönkum, verðbréfafyrirtækjum og líftryggingafélögum heimilt að ávaxta viðbótarsparnað.

Auk þess geturðu valið hvernig þú ávaxtar viðbótarsparnað þinn með því að velja þér fjárfestingarleið, nánar hér.
Er viðbótarsparnaður aðfararhæfur?
Nei, viðbótarsparnaður er ekki aðfararhæfur og því ekki hægt að ganga að honum vegna fjárhagslegra skuldbindinga.
Ég var að byrja með viðbótarsparnað, af hverju er engin inneign í sjóðnum mínum?
Þegar þú gerir samning um viðbótarsparnað eða breytir um launagreiðanda þá sendir sjóðurinn samninginn á launagreiðanda samdægurs eða daginn eftir. Það er eðlilegt að sjá ekki inneign fyrr en 1-2 mánuðum síðar. Það fer svolítið eftir því hvort þú gerðir samning um viðbótarsparnað fyrir eða eftir miðjan mánuð þ.e. hvort það hefur náð inn í launavinnslu mánaðarins hjá launagreiðanda þínum.
1. Á launaseðli sést hvort ráðstafað hafi verið í viðbótarsparnað á síðasta launatímabili. En það segir ekki alla söguna.
2. Gjalddagi er 10. dag næsta mánaðar á eftir launatímabili og eindagi síðasti dagur næsta mánaðar á eftir launatímabili. Að þeim tíma liðnum ættir þú að sjá inneign í sjóðnum.
3. Sjáir þú ekki greiðslur í viðbótarsparnað á launaseðli er mögulegt að samningurinn hafi ekki borist launagreiðanda fyrir launavinnslu tímabilsins. Það gætir þú fengið staðfest hjá launafulltrúa.
4. Hafðu samband við sjóðinn ef þörf er á að senda samninginn á launagreiðanda að nyju.
Hvar get ég nálgast upplýsingar um hreyfingar og stöðu lífeyrissparnaðar míns?
Þú getur fylgst með stöðu lífeyrissparnaðar hvenær sem er í Arion appinu. Þú getur auk þess nálgast yfirlit á Mínum síðum sjóðsins fyrir valið tímabil en yfirlit fyrir 18 mánaða tímabil eru einnig birt þar tvisvar á ári. Ef þú vilt fá heimsend pappírsyfirlit þá getur þú óskað eftir því á Mínum síðum eða með því að senda tölvupóst á lifeyristhjonusta@arionbanki.is. Mikilvægt er að fylgjast vel með hvort iðgjöld hafi borist og séu í samræmi við launaseðla til að draga úr líkum á að dýrmætur lífeyrissparnaður glatist ekki. Ef iðgjöld eru í vanskilum hvetjum við þig til að hafa samband við sjóðinn án tafar.