Snertilausar greiðslur

Með því að nota snertilausa virkni er hægt að greiða fyrir vörur og þjónustu með því að bera kortið upp að kortalesaranum (posa) án snertingar og PIN númers.

Þegar snertilaust kort er notað í fyrsta sinn þarf að staðfesta úttektina með PIN númeri. Við það virkjast snertilaus virkni kortsins. PIN númer kortsins er hægt að finna í Arion appinu undir „PIN-númer korta“ og í netbankanum undir „Yfirlit > PIN númer“.

  • Af öryggisástæðum verður hver snertilaus greiðsla að vera undir 5.000 kr. og samanlögð upphæð ekki hærri en 10.500 kr. milli þess sem greiðsla er staðfest með PIN númeri
  • Ef greiðsla er 5.000 kr eða hærri kemur fram beiðni á skjámynd posans um að staðfesta úttekt með PIN númeri
  • Þegar samanlögð upphæð hefur náð 10.500 kr. kemur beiðni fram á skjámynd posans um að staðfesta úttekt með PIN númeri og er þá hægt að hefja snertilausar greiðslur á ný

Hægt er að gera snertilausar greiðslur hjá söluaðilum bæði á Íslandi og erlendis sem hafa til þess vottaðan búnað.

Skoða debetkort  Skoða kreditkort

Nánar um snertilaus kort á vef Visa

Spurt og svarað

Hvernig virka snertilausar greiðslur?

Hægt er að framkvæma snertilausar greiðslur á posum sem hafa merki snertilausra greiðslna. Upphæð sem greiða á kemur fram á skjámynd posans. Kortið er lagt nálægt posanum, yfirleitt að lágmarki 2 cm frá posa. Þegar kortið hefur verið lesið snertilaust hefur greiðsla átt sér stað og upphæð hverfur af skjámynd posans.

Hvernig veit ég hvort kortið mitt er snertilaust?

Á framhlið kortsins má sá bylgjur sem tákna snertilausa virkni kortsins.

Hvernig veit ég hvort posi er snertilaus?

Á skjámynd posans eða á posanum sjálfum má sá bylgjur sem tákna snertilausa virkni posans.

Hvað geri ég ef posinn er ekki snertilaus?

Þá greiðir þú eins og venjulega, þ.e. með því að stinga kortinu í posann og slá inn PIN númer.

Hvers vegna gat ég ekki greitt snertilaust þó að posinn hafi verið merktur sem snertilaus?

Hafi snertilaus greiðsla ekki gengið þrátt fyrir að posi hafi verið með merki snertilausra greiðslna, upphæð færslu ekki yfir 5.000 kr. og uppsafnaðar snertilausar greiðslur ekki náð 10.500 kr. má gera ráð fyrir að ekki sé búið að uppfæra posann með viðeigandi hugbúnaði.

Af hverju get ég ekki borgað snertilaust fyrir upphæðir sem eru hærri en 5.000 kr.?

Snertilausar greiðslur eru hugsaðar fyrir litlar upphæðir og því er 5.000 króna hámark. Til að tryggja öryggi er krafist PIN staðfestingar og örgjörvainnsláttar sé verslað fyrir hærri upphæð.

Get ég notað snertilausa virkni korts í hraðbanka?

Enn sem komið er eru engir snertilausir hraðbankar á Íslandi. Erlendis eru snertilausir hraðbankar komnir í notkun og hægt að nota snertilausa virkni korta þar.