Viljum festa í sessi blómlega byggð og spennandi áfangastað
Auður Vala Gunnarsdóttir og Helgi Sigurðsson - eigendur.
Auður Vala Gunnarsdóttir og Helgi Sigurðsson - eigendur.
Við vitum að fólk, bæði Íslendingar og erlendir ferðamenn, ferðast um landið okkar í leit að einstakri upplifun. Þess vegna er Blábjörg sérstakur heimur út af fyrir sig.
Okkur finnst til dæmis ekki nóg að bjóða einungis gistingu. Við viljum vera kraftmikið aðdráttarafl fyrir Borgarfjörð eystri. Blábjörg er því allt í senn hótel, veitingastaður, spa, brugghús og kaffihús.
Að gera slíkt verkefni að veruleika er langhlaup og krefst mikils þolgæðis.
Við hjónin ýttum hugmyndinni úr vör árið 2006 þegar við keyptum gamalt frystihús sem átti að rífa. Skömmu síðar festum við svo kaup á elsta húsinu í bænum en í því er lengsta samfellda verslunarsaga þjóðarinnar. Okkur langaði að viðhalda sögu þessara merkilegu húsa, skapa alvöru atvinnutækifæri í bænum og festa í sessi byggðina í þessu fallega þorpi sem er Borgarfjörður eystri.
Til að það gæti gengið eftir þurftum við að móta okkur sérstöðu. Hvernig gerum við það? Jú, með því að sækja okkur innblástur í náttúruna hér í kring og hin fjölbreyttu landsins gæði sem Austurland hefur upp á að bjóða.Í heilsulindinni okkar bjóðum við til dæmis upp á þaraböð sem eru hin fyrstu sinnar tegundar á Íslandi. Á morgnana gæða gestir sér á heimagerðu hrökkbrauði og nýbökuðu kryddbrauði. Við erum með sveitabæ í tíu mínútna fjarlægð sem sér okkur fyrir ferskum afurðum á borð við lamba- og nautakjöt. Við búum meira að segja sjálf til etanólið í gininu okkar. Við flytjum helst ekkert hráefni inn úr öðrum landshlutum.
Dvöl á Blábjörg er staðbundin, sjálfbær og umhverfisvæn upplifun.
Í dag erum við stærsti atvinnurekandinn í bænum og getum starfrækt Blábjörgu allt árið um kring. Það gleður okkur. Við viljum vera hjartsláttur og lífæð á svæðinu.
Það er góður árangur í okkar huga.
Árangur getur verið alls konar. Markmið fyrirtækja eru ólík og fjölbreytt, en okkar hlutverk er að hjálpa viðskiptavinum að ná þeim árangri sem þeir stefna að
Okkur langaði að búa til hönnunardrifið fatamerki. Innblásturinn kemur úr nærumhverfinu, íslenskri náttúru og menningu með smá dassi af sveitarómantík.
Við fengum hugmyndina að Lava Show þegar við urðum vitni að gosinu á Fimmvörðuhálsi.
Við viljum vera kraftmikið aðdráttarafl fyrir Borgarfjörð eystri. Blábjörg er því allt í senn hótel, veitingastaður, spa, brugghús og kaffihús.
Okkur langaði að byggja á íslensku harðfiskshefðinni, sem er jafn gömul byggð á Íslandi, en nálgast hana á nýjan hátt.
Hugmyndin fyrir hátt í tíu árum var að byggja hús utan um nýsköpun á Íslandi. Verkefnið er ekki að leigja skrifstofurými heldur að skapa hér nýtt samfélag.
Rafholt er 20 ára gamalt og hefur árum saman verið eitt stærsta fyrirtæki landsins í rafiðnaðargeiranum.
Kvistabær framleiðir trjáplöntur fyrir skógrækt og þjónustar meðal annars fyrirtæki í kolefnisjöfnun, skógræktarfélög og opinberar stofnanir.
Gróðurhúsið er hugmyndafræði þar sem við nálgumst hótel-, verslana- og veitingaupplifun á nýjan hátt.
Markmið okkar er að bjóða viðskiptavinum upp á besta kaffi sem völ er á, á sem umhverfisvænastan hátt. Þar erum við nýlega búin að ná tveimur stórum áföngum.
Okkar hlutverk hjá Controlant er að hjálpa alþjóðlegum lyfjafyrirtækjum að koma sínum lyfjum/vörum á réttan stað og í réttu ástandi.