Áfrýj­unar­nefnd neyt­enda­mála stað­festir lög­brot Alli­anz

Áfrýjunarnefnd neytendamála hefur með úrskurði sínum nr. 4/2009 staðfest ákvörðun Neytendastofu nr. 1/2009 þess efnis að Allianz á Íslandi hf. hafi brotið gegn lögum um eftirlit með óréttmætum viðskiptaháttum og markaðssetningu nr. 57/2005 með villandi samanburði á raunávöxtun viðbótarlífeyrissparnaðar hjá Allianz og Kaupþingi banka hf.

Áfrýjunarnefndin féllst á rökstuðning Neytendastofu um að samanburður og framsetning á meðalávöxtun í dreifibréfi Allianz hafi verið ófullnægjandi og villandi þar sem ekki var gerður greinarmunur á þeim fjárfestingarleiðum sem almennum viðsemjendum Kaupþings er gefinn kostur á.

Auk þess hafi Allianz ekki sýnt fram á að ávöxtunartölur sem notaðar voru fram til stofnunar Vista sjóða Kaupþings hafi verið réttar.

• Sjá frétt Neytendastofu um úrskurð áfrýjunarnefndar neytendamála