Alli­anz braut lög með vill­andi upplýsingum á vef­síðu félagsins

Neytendastofa hefur úrskurðað að Allianz hafi brotið gegn ákvæðum laga um eftirlit með viðskiptaháttum og markaðssetningu með því að birta villandi upplýsingar á vefsíðu félagsins.

Arion banki kvartaði til Neytendastofu yfir upplýsingum á vefsíðu Allianz um viðbótarlífeyrissparnað. Neytendastofa féllst á athugasemdir Arion banka og taldi Allianz hafa brotið gegn ákvæðum laga nr. 57/2005, um eftirlit með viðskiptaháttum og markaðssetningu, með því að:

• Greina ekki frá því með nægilega skýrum hætti að fullyrðing um tryggða lágmarksávöxtun ætti við um ávöxtun sparnaðar hjá sjóðnum í evrum

• Greina ekki frá því með nægilega skýrum hætti að upplýsingar um litlar sveiflur í ávöxtun ættu við um ávöxtun sparnaðar hjá sjóðnum í evrum

• Greina ekki frá því með skýrum hætti að ástæðu þess að ávöxtun sjóðsins í íslenskum krónum árið 2008 mætti rekja til hruns íslensku krónunnar og mikillar verðbólgu á Íslandi það ár.

Auk þess braut félagið gegn sömu lögum með því að geta ekki sannað fullyrðingu sína um að Allianz byði öruggustu ávöxtun sem um geti hér á landi.

• Sjá frétt Neytendastofu hér

• Ákvörðun nr. 52/2010 má lesa í heild sinni hér