Arion banki dreif­ir endur­skins­merkj­um

Arion banki stendur fyrir dreifingu á endurskinsmerkjum nú þegar hausta tekur og skammdegið fellur á. Eins og undanfarin haust þá hafa endurskinsmerki verið send til allra sex ára barna á landinu og munu þau berast börnunum á næstu dögum. Að auki verða endurskinsmerkin öllum aðgengileg í útibúum Arion banka, á meðan birgðir endast.

Það er staðreynd að ökumenn sjá vegfarendur með endurskinsmerki fimm sinnum fyrr. Það getur því borgað sig að taka sér smástund til að festa endurskinsmerkið í fötin. Endurskinsmerki Arion banka uppfylla nauðsynlega staðla sem gilda um endurskinsmerki.

Hægt verður að nálgast endurskinsmerki í öllum útibúum Arion banka, á meðan birgðir endast en þeir sem búa fjarri útibúum bankans og geta ekki sótt endurskinsmerki geta sent tölvupóst á netfangið arionbanki@arionbanki.is og fengið merkin send til sín.