Arion banki er aðalstyrktaraðili Mottumars

Arion banki hefur stutt vel við bakið á Krabbameinsfélagi Íslands um áraraðir. Bankinn er einn af stærstu styrktaraðilum átaksins Karlmenn og krabbamein eða Mottumars sem Krabbameinsfélagið stendur fyrir dagana 1. - 31. mars. Í Mottumars eru karlmenn hvattir til að safna mottu og fjármunum í leiðinni en þeim er varið í rannsóknir, forvarnir, stuðning og ýmis önnur verkefni sem tengjast baráttunni við krabbamein í körlum.

Karlkyns starfsmenn eru hvattir til að taka þátt í Mottumars og safna yfirvaraskeggi meðan á átakinu stendur. Síðustu tvö ár hefur bankinn unnið liðakeppni Mottumars og hafa starfsmenn nú þegar stofnað lið á vefsíðu átaksins til að safna áheitum og sýna samstöðu. Hægt er að heita á einstaklinga og lið, auk þess að fá nánari upplýsingar um átakið á vef Krabbameinsfélagsins.