Arion banki kaup­ir fasteignina að Borgar­túni 18

Arion banki hefur fest kaup á fasteigninni Borgartúni 18 sem áður hýsti Sparisjóð vélstjóra og BYR. Seljandi er Íslandsbanki sem auglýsti eignina til sölu í apríl síðastliðnum.

Höfuðstöðvar Arion banka eru við Borgartún 19 en þar hefur ekki verið starfrækt útibú á vegum bankans. Með kaupunum nú hefur bankinn tryggt sér afar hentugt húsnæði fyrir rekstur útibús sem og aðra starfsemi á vegum bankans. Stefnt er að opnun nýs útibús Arion banka að Borgartúni 18 á fyrri hluta næsta árs.