23.09.2014
Arion banki með bás á „Íslensku sjávarútvegssýningunni“
Íslenska sjávarútvegssýningin fer fram í Smáranum í Kópavogi dagana 25. – 27. September. Arion banki verður með bás á staðnum þar sem starfsmenn bankans sem sinna viðskiptavinum í sjávarútvegi munu standa vaktina og taka á móti gestum.
Sýningin verður opin frá klukkan 10 til 18 fimmtudag og föstudag og frá klukkan 10 til 16 laugardag.
Íslenska sjávarútvegssýningin er haldin þriðja hvert ár og hefur hún ávallt fengið góða aðsókn. Árið 2011 sóttu til að mynda tæplega 14 þúsund gestir sýninguna frá 52 löndum en gert er ráð fyrir því að fleiri sæki sýninguna í ár. Gríðarlega góð stemning hefur verið á sjávarútvegssýningunni og er ávallt mikið lagt í básana.
Við hvetjum alla til að líta við á sýningunni. Aðgangseyrir er 3.500 krónur fyrir 6 ára og eldri.
Nánari upplýsingar um sýninguna má finna á vef hennar, www.icefish.is.
Deila grein:
