Árs­upp­gjör Frjálsa lífeyris­sjóðsins 2008 - Góð ávöxt­un m.v. markaðs­aðstæður og óskert rétt­indi

Frjálsi lífeyrissjóðurinn þarf ekki að skerða réttindi og lífeyri sjóðfélaga í tryggingadeild sjóðsins þrátt fyrir þann ólgusjó sem ríkti á verðbréfamörkuðum árið 2008. Tryggingafræðileg staða sjóðsins var neikvæð um 4,8% í lok árs 2008 sem er innan þeirra marka sem lög mæla fyrir um.

Frjálsi lífeyrissjóðurinn fór ekki varhluta af erfiðleikum á fjármálamörkuðum árið 2008. Aðgerðir í Eignastýringu Kaupþings, sem er rekstraraðili sjóðsins, höfðu þó miðað að því að minnka markvisst áhættu með því að auka vægi ríkisskuldabréfa og selja hlutabréf. Þannig tókst að draga verulega úr neikvæðum áhrifum á eignasafn Frjálsa lífeyrissjóðsins sem endurspeglast í ávöxtun sjóðsins árið 2008.

Ávöxtun 2008

Meðalávöxtun sl. 5 ára

Frjálsi 1

-4,9%

8,5%

Frjálsi 2

12,3%

10,1%

Frjálsi 3

23,6%

12,3%

Frjálsi Áhætta

-7,4%

Tryggingadeild

-7,6%

8,5%

• Hrein eign sjóðsins var í árslok rúmlega 68 milljarðar kr. og jókst um 2 milljarða á árinu.

• Fjöldi sjóðfélaga í árslok var tæplega 42.000 en um 15.400 manns greiddu iðgjöld í sjóðinn á árinu.