Bú­ist við 2.300 þátt­tak­end­um á Arion banka mót­inu í Vík­inni um helg­ina

Gera má ráð fyrir um 2.300 þátttakendum á Arion banka mótinu í fótbolta sem haldið verður nú um helgina, 15. og 16. ágúst á félagssvæði Víkings í Fossvogi. Hefur fjöldi þátttakenda þrefaldast frá því mótið var fyrst haldið árið 2010.

Arion banka mótið er fyrir 8. og 7. flokk stúlkna og drengja og er stærsta mótið þar sem stelpur og strákar spila á sama tíma. Mótið stendur yfir frá kl. 9-17 laugardag og sunnudag.

Keppt verður á 18 völlum og verður mótið í Sparilandsbúning. Bíbí, Blaki og Ari verða á svæðinu og allir þátttakendur fá verðlaunapening og Sparilandsbakpoka að gjöf ásamt máltíð frá Lemon.

Búast má við miklum fjölda fólks og skemmtilegri stemningu í Víkinni í Fossvogi um helgina þegar ungir fótboltaiðkendur ásamt þeirra stuðningsfólki kemur saman.