03.09.2009
Erlendir fjárfestar greiða nú skatt af vaxtatekjum
Frá og með 1. september 2009 eru erlendir fjárfestar (þ.m.t. Íslendingar með skattalega heimilisfesti erlendis) ekki undanskildir því að borga skatt af vöxtum á Íslandi. Vextir af innlánsreikningum, fjárfestingarsjóðum, skuldabréfum o.s.frv. eru nú skattskyldir og er skattprósentan 15%-23,5%. Eftirtaldir vextir eru þó undanskildir og ber því ekki að greiða skatt af þeim:
Vextir greiddir af Seðlabanka Íslands.
Vextir greiddir til erlendra ríkja, opinberra stofnana í erlendu ríki eða alþjóðlegra samtaka með heimilisfesti í erlendu ríki sem eru ekki skattskyldir í viðkomandi ríki.
Allar undantekningar frá skattskyldu sem gilt hafa hingað til hafa nú verið numdar úr gildi. Erlendum fjárfestum gefst kostur á að njóta lægri skattprósentu samkvæmt gildandi tvíhliða skattasamkomulagi milli Íslands og búsetulands skattgreiðanda. Þarf að senda sérstaka umsókn til íslenskra skattayfirvalda til að fá staðfestingu á að ákvæði samnings um skattahlunnindi gildi fyrir viðkomandi.
Deila grein:
