FJÁRmál hefja göngu sína á ný

FJÁRmál eru fyrirlestraröð og fræðsluátak á vegum Arion banka sem unnið er í samstarfi við Stofnun um fjármálalæsi við Háskólann í Reykjavík. Breki Karlsson er forstöðumaður stofnunarinnar og leiðir hann fræðslufundi FJÁRmála ásamt sérfræðingum Arion banka.

Fyrirlestraröðin var fyrst í boði síðastliðinn vetur en hefur göngu sína á ný 29. september.

Tilgangurinn með FJÁRmálum er að koma til móts við þarfir viðskiptavina fyrir haldgóðar upplýsingar, fræðslu og örugga leiðsögn í nýju efnahagsumhverfi. Arion banki vill stuðla að bættu fjármálalæsi almennings með FJÁRmálum auk þess sem bankinn er bakhjarl Stofnunar um fjármálalæsi.

Boðið er upp á táknmálstúlkun fyrir þá fræðslufundi sem haldnir eru í höfuðstöðvum bankans í Borgartúni 19. Athugið að þátttakendur verða að skrá sig með viku fyrirvara til að hægt sé að tryggja táknmálstúlk. Einnig bendum við á að aðgengi fyrir fatlaða er mjög gott í höfuðstöðvum bankans.

Það eru allir velkomnir á fræðslufundi FJÁRmála, aðgangur er ókeypis og fer skráning fram á vef bankans, í þjónustuveri eða útibúum.