Góð ávöxt­un viðbótar­lífeyris­sparnaðar ár­ið 2009

Ávöxtun Lífeyrisauka og Vista var mjög góð á árinu 2009 miðað við markaðsaðstæður. Leiðir 1 í báðum sjóðunum skiluðu mjög góðri ávöxtun á árinu, 24,6% í Vista og 25,8% í Lífeyrisauka. Há ávöxtun þessara leiða skýrist m.a. af mikilli hækkun á erlendum hlutabréfum sem hafa mikið vægi í þessum fjárfestingarleiðum. Hæsta ávöxtun beggja sjóðanna var í leiðinni Erlend verðbréf, af sömu ástæðu og áður er talin.

Rétt að horfa á ávöxtun yfir lengri tímabil

Þar sem lífeyrissparnaður er í eðli sínu hugsaður til langs tíma er rétt að skoða ávöxtun yfir lengra tímabil, og er oft horft til fimm ára í þessu samhengi. Ávöxtun Lífeyrisauka og Vista hefur verið góð síðustu fimm árin þrátt fyrir það mikla umrót sem verið hefur á fjármálamörkuðum undanfarin misseri. Því ber þó ekki að neita að hrun bankanna og fall á erlendum verðbréfamörkuðum setur svip sinn á ávöxtun sjóðanna á þessu tímabili.

Ávöxtun í fortíð gefur ekki áreiðanlega vísbendingu um ávöxtun í framtíð. Myndin sýnir 5 ára meðalnafnávöxtun áranna 2005-2009 en ávöxtunin er mismunandi á milli ára.