Helm­ings­lækkun upp­greiðslu­gjalda og rýmk­aðar heimild­ir til yfir­töku íbúða­lána

Í ljósi erfiðra aðstæðna á fasteignamarkaði hefur Kaupþing ákveðið að veita lántakendum íbúðalána tímabundið 50% afslátt af uppgreiðslugjaldi þegar þeir greiða upp lán sín eða greiða inn á þau yfir 1 milljón króna.

Einnig hefur verið ákveðið að tímabundið verði einstaklingum heimilt að yfirtaka íbúðalán Kaupþings við fasteignakaup á gildandi vöxtum lánsins. Til þess að viðskiptavinur bankans njóti vaxtafsláttar, þarf hann að vera félagi í Vexti, vildarþjónustu Kaupþings. Lánið verður að vera innan settra veðsetningarmarka og nýr greiðandi þarf að standast greiðslumat bankans.

Vextir nýrra íbúðalána Kaupþings eru nú 6,65% en 5,90% til þeirra sem njóta vaxtaafsláttar. Mörg af lánum bankans bera 4,90% vexti en 4,15% til þeirra sem njóta vaxtaafsláttar.

Fram til þessa hefur ekki verið heimilt að yfirtaka íbúðalán hjá Kaupþingi á upphaflegum kjörum heldur hafa yfirtekin lán verið færð á gildandi vaxtakjör við undirritun kaupsamnings. Breytingarnar munu liðka fyrir fasteignaviðskiptum og nýtast bæði kaupendum og seljendum.