Íbúð­ar­sparnaður - ný teg­und sparnaðar hjá Arion banka

Arion banki býður frá og með deginum í dag upp á nýja tegund sparnaðar sem nefnist Íbúðarsparnaður og geta viðskiptavinir valið um verðtryggðan eða óverðtryggðan sparnað.

Það er stór ákvörðun að festa kaup á íbúðarhúsnæði og að mörgu að huga. Íbúðarsparnaði er ætlað að auðvelda leiðina að íbúðakaupum og felur í sér þjónustu og ráðgjöf sem snýr að sparnaði og markmiðasetningu í tengslum við íbúðakaup. Sparnaðurinn þarf að vara í að minnsta kosti tvö ár og lágmarksupphæð sem leggja þarf fyrir á mánuði er 10.000 kr.

Auk hagstæðra vaxtakjara á sparnaðarreikningum njóta þátttakendur að tveimur árum liðnum sérkjara við töku íbúðalána hjá Arion banka:

• 50% afsláttur af lántökugjaldi

• 100% afsláttur af greiðslumati

• Innflutningsgjöf að upphæð allt að 50.000 kr.

Þeir sem kjósa Íbúðarsparnað geta skráð sig á arionbanki.is, í næsta útibúi eða í þjónustuveri bankans.