25.10.2010
Kvennafrídagurinn
Sunnudaginn 24. október voru 35 ár liðin síðan konur lögðu niður vinnu í einn dag til að minna á mikilvægi vinnuframlags kvenna. Í dag 25. október er Kvennafrídagurinn 2010 og mun fjöldi kvenna um land allt leggja niður störf klukkan 14:25.
Skipulögð hefur verið dagskrá í tilefni dagsins víða um land. Í Reykjavík hittast konur á Hallgrímskirkjutorgi kl. 15:00 og ganga niður að Arnarhóli. Einnig eru skipulagðir viðburðir á Egilsstöðum, Akureyri, Ísafirði og í Skagafirði. Dagskráin í dag er helguð baráttu kvenna gegn kynferðisofbeldi.
Fjöldi starfsfólks innan Arion banka mun taka þátt í Kvennafrídeginum og því munu útibú bankans, öll nema Kringlan og Vesturbæjarútibú loka kl. 14:00. Einnig verður hægt að hringja í þjónustuver bankans í síma 444 7000. Biðjum við viðskiptavini bankans um að sýna þessu skilning og þolinmæði.
Gleðilegan kvennafrídag!
Deila grein:
