14.10.2011
Láttu sjá þig - Endurskinsmerkjaherferð Arion banka og Umferðastofu
Um helgina hrindum við af stað endurskinsmerkjaherferðinni „Láttu sjá þig“ í sjötta sinn en herferðin hefur gengið gríðarlega vel á undanförnum árum og hefur bankinn nú þegar dreift um 250.000 endurskinsmerkjum um allt land.
Markmið herferðarinnar er að brýna fyrir börnum jafnt sem fullorðnum mikilvægi endurskinsmerkja og réttrar notkunar á þeim.
Endurskinsmerkin eru ekki eingöngu fyrir viðskiptavini Arion banka því allir geta nálgast merki í útibúum bankans á meðan birgðir endast. Þeir sem eru fjarri útibúum bankans geta sent tölvupóst á fraedsla@us.is og fengið merki sent til sín.
Nokkrar staðreyndir um endurskinsmerki:
Ökumenn sjá vegfarendur með endurskinsmerki fimm sinnum fyrr
Endurskinsmerki þurfa að vera neðarlega og sjást frá öllum hliðum
Mikilvægt er að setja endurskinsmerki á ketti, hunda og hesta svo dýrin sjáist líka í myrkrinu
Langflestir eiga endurskinsmerki ofan í skúffu
Endurskinsmerkin í ár eru í nýju Disney útliti og má sjá þau hér fyrir neðan.
Deila grein:
