21.01.2013
Lestrarvika Arion banka og Disney hefst á morgun
Á morgun þriðjudaginn 22. janúar hefst Lestrarvika Arion banka og Disney. Markmið Lestrarvikunnar er að hvetja krakka á öllum aldri til að vera duglegir að lesa sér til fróðleiks og skemmtunar.
Krakkarnir skrá sinn lestur á vef Arion banka, en ekki skiptir máli hvað er lesið. Skáldsögur, teiknimyndasögur, skólabækur, Andrés blöð eða annað skemmtilegt lesefni, allt telst með.
Nöfn þeirra krakka sem taka þátt fara í pott og í lok vikunnar verða dregnir út 100 þátttakendur sem fá vinning. Auk þess verður dreginn út bókavinningur á hverjum degi á meðan á lestrarvikunni stendur. Í lok vikunnar verður svo einn heppinn þátttakandi dreginn út og fær hann nafnbótina Lestrarhestur Arion banka og iPad í verðlaun, en verðlaunin verða veitt 31. janúar.
Þetta er í þriðja sinn sem Lestrarvika Arion banka og Disney er haldin. Í fyrra skráðu vel yfir þúsund krakkar sig til leiks og lásu þeir samtals í um 183 þúsund mínútur.
Lestrarvika Arion banka og Disney stendur yfir frá þriðjudegi til þriðjudags, 22. - 29. janúar. Nánari upplýsingar og skráningu má finna á www.arionbanki.is/lestrarvika.
Deila grein:
