Lestrar­vika Arion banka og Disney hefst í dag

Í dag mánudaginn 7. nóvember hefst Lestrarvika Arion banka og Disney. Markmið Lestrarvikunnar er að hvetja krakka á öllum aldri til að vera duglegir að lesa sér til skemmtunar.

Ekki skiptir máli hvað er lesið; skáldsögur, teiknimyndasögur, skólabækur, Andrés blöð eða annað skemmtilegt lesefni. Allt telst með. Krakkarnir skrá sinn lestur hér á vef Arion banka.

Nöfn þeirra krakka sem taka þátt fara í pott og í lok vikunnar verða dregnir út yfir 100 þátttakendur sem fá veglegan vinning. Á meðal vinninga er Disney kökubókin, Disney áskriftir og fleira. Einnig verður dreginn út skemmtilegur vinningur á hverjum degi á meðan á lestrarvikunni stendur.

Í lok vikunnar verður svo Lestrarhestur Arion banka valinn. Lestrarhesturinn hlýtur Ipad í verðlaun og verða þau veitt þann 16. nóvember á degi íslenskrar tungu.

Lestrarvika Arion banka og Disney stendur yfir frá mánudegi til mánudags, 7. - 14. nóvember.