Lög­regl­an fær sex sér­út­bú­in lög­reglureið­hjól að gjöf frá Arion banka

Fyrr í dag færði Arion banki Lögreglunni á höfuðborgarsvæðinu sex reiðhjól að gjöf. Sérstök deild innan lögreglunnar mun nýta þau við löggæslu í miðborg Reykjavíkur nú í sumar og fram á haust, eins og veður leyfir. Gjöf Arion banka gerir það að verkum að lögreglan getur nú í fyrsta sinn starfrækt sérstaka hjólreiðadeild.

Reiðhjólin eru sérútbúin fyrir lögregluna enda margt sem lögreglan þarf að hafa meðferðis við störf sín. Það er Örninn sem flytur hjólin inn.

Hugmyndin um að styðja lögregluna á höfðuborgarsvæðinu með þessum hætti kom upp í tengslum við opnun nýs útibús í Borgartúni. Bæði Lögreglan á höfuðborgarsvæðinu og Örninn eru í viðskiptum við bankann og þótti tilvalið að styðja við starf lögreglunnar með þessum umhverfisvæna hætti í tilefni af opnun nýs útibús í Borgartúni 18 í sumar.

Það var Sveinn Gíslason svæðisstjóri sem afhenti Stefáni Eiríkssyni lögreglustjóra hjólin.

Á meðfylgjandi mynd er Stefán Eiríksson lögreglustjóri ásamt hluta af þeim lögreglumönnum sem mynda hjólreiðadeild lögreglunnar. Einnig eru á myndinni Sveinn Gíslason svæðisstjóri hjá Arion banka og Lilja Dögg Ásgeirsdóttir, fjármálaráðgjafi hjá bankanum, ásamt Ragnari Þór Ingólfssyni frá Erninum.